Віша (рака)

Ві́ша — рака ў Беларусі, правы прыток ракі Іпы (басэйн Дняпра). Цячэ ў Гомельскай вобласьці. Даўжыня 39,3 км. Плошча вадазбору 233 км². Выдатак вады ў вусьці 1 м³/с. Сярэдні нахіл воднай паверхні 0,4‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Віша.

Рака

Віша
Агульныя зьвесткі
Выток	каля в. Пружынішчаў
Вусьце	Іпа
Краіны басэйну	Беларусь
Вобласьці	Гомельская вобласьць
Даўжыня	39,3 км
Сярэднегадавы сьцёк	1 м³/с
Плошча басэйну	233 км²
Нахіл воднай паверхні	0,4 ‰
Асноўныя прытокі
Правыя	Вісла

Асноўныя прытокі

• Правы: Вісла

На рацэ

• Мястэчка: Азарычы

Агульныя зьвесткі

Пачынаецца за 2 км на паўночны захад ад вёскі Пружынішчаў Рудабельскага раёну, далей цячэ ў Шацілавіцкім і Каленкавіцкім раёнах паўночна-ўсходняй ускраінай нізіны Гомельскае Палесьсе. Упадае ў Іпу каля вёскі Каплічаў Каленкавіцкага раёну.

Даліна пераважна трапэцападобная, шырыня яе 1,5—2 км. Абалона двухбаковая, шырынёй 0,5—1 км. Рэчышча на ўсім працягу каналізаванае (шырыня 7—12 м). У абалоне наліўныя сажалкі каля вёсак Вялікіх Ліцьвінавічаў (плошча 15,8 га) і Беразьнякоў (плошча 19,5 га)^[1].