Вішнявецкія

Вішняве́цкія, Карыбут-Вішнявецкія — княскі род гербу Карыбут.

Вікіпэдыя мае артыкулы пра іншых асобаў з прозьвішчам Вішнявецкі.

Вішнявецкія лац. Višniavieckija
Герб Карыбут
Краіна паходжаньня	Вялікае Княства Літоўскае

Валодалі вялізнымі маёнткамі на тэрыторыі сучасных Украіны і Беларусі (у тым ліку з 1509 року — Брагінскім староствам^[1]).

Паходжаньне

Сваё паходжаньне выводзілі ад князя ноўгарад-северскага Зьмітра Карыбута Альгердавіча, якога дасьледнікі атаясамліваюць зь Фёдарам Нясьвіцкім^[2]. Ягоны ўнук, Міхал Збараскі (пам. па 1516), валодаў замкам Вішнявец у Крамянецкім павеце на Валыні (адсюль прозьвішча роду).

Тым часам праведзеныя генэтычныя вышукі паказваюць на зьвязак Вішнявецкіх з Рурыкавічамі. Апроч Вішнявецкіх, да Рурыкавічаў належаць Варанецкія, Збараскія і Нясьвіцкія. З усіх гэтых радоў да нашага часу дайшоў толькі род князёў Варанецкіх.

У XVI ст. падзяліліся на дзьве лініі: старэйшую (пайшла ад старосты прапойскага, чачэрскага і варнянскага князя Івана) і малодшую (пайшла ад старосты рэчыцкага князя Аляксандра). Першая лінія ў мужчынскім родзе згасла ў 1744 року, другая — у 1673 року^[3].

Найбольш вядомыя з роду

• Міхал Карыбут Вішнявецкі (1640—1673) — кароль польскі і вялікі князь літоўскі
• Януш Антоні Вішнявецкі (1678—1741) — гетман вялікі літоўскі, ваявода віленскі
• Міхал Сэрвацы Вішнявецкі (1680—1744) — гетман і канцлер вялікі літоўскі, ваявода віленскі
• Францішка Ўршуля Радзівіл (1705—1753) — пісьменьніца, асьветніца і драматург

Галерэя

• Іканаграфія роду Вішнявецкіх
• 
  Іван Вішнявецкі
• 
  Януш Вішнявецкі
• 
  Міхал Карыбут Вішнявецкі
• 
  Элеанора Марыя Юзэфа Габсбург
• 
  Януш Антоні Вішнявецкі
• 
  Тэафілія Вішнявецкая (зь Ляшчынскіх)
• 
  Міхал Сэрвацы Вішнявецкі
• 
  Аляксандра Радзівіл (зь Вішнявецкіх)