Альшанка (прыток Заходняй Бярэзіны)

Альша́нка, Вішнёўка, Гальша́нка, Жыгя́нка, Лу́ска — рака ў Беларусі, правы прыток ракі Бярэзіны (басэйн Нёману). Цячэ ў Менскай і Гарадзенскай абласьцях. Даўжыня 60 км. Плошча вадазбору 311 км². Выдатак вады ў вусьці 2,3 м³/с. Сярэдні нахіл воднай паверхні 1,5‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Альшанка.

Рака

Альшанка
Агульныя зьвесткі
Выток	каля в. Людвікаўшчыны
Вусьце	Бярэзіна
Краіны басэйну	Беларусь
Вобласьці	Гарадзенская вобласьць і Менская вобласьць
Даўжыня	60 км
Сярэднегадавы сьцёк	2,3 м³/с
Плошча басэйну	311 км²
Нахіл воднай паверхні	1,5 ‰

На рацэ стаяць гістарычныя мястэчкі Гальшаны, Багданава і Вішнеў.

Пачынаецца на захадзе ад вёскі Людвікаўшчыны Ашмянскага раёну, цячэ паўднёва-заходнімі схіламі Ашмянскага ўзвышша, вусьце каля вёскі Няроваў.

Даліна выразная. Абалона двухбаковая, найбольш разьвітая ў вярхоўі і ніжняй плыні, шырынёй 100—200 м. Рэчышча пераважна ўмераназьвілістае, яго шырыня ў межань 4—8 м, на працягу 32 км каналізаванае: ад вытоку да вёскі Чуркаў (17,7 км), ад вёскі Данілкаў да вёскі Альшанкі (5,1 км), ад вёскі Круглага да вусьця (9,5 км). Берагі нізкія. Каля вёсак Габрыялаўшчыны і Нарушаўцаў сажалкі (плошчай адпаведна 0,12 км² і 0,02 км²)^[1].