Гарадоцкі замак

Гарадо́цкі за́мак — помнік гісторыі і абарончай архітэктуры ў Гарадку. Знаходзіўся на абодвух берагох ракі Гаражанкі. Існаваў у XVII—XVIII стагодзьдзях.

Помнік гісторыі і абарончай архітэктуры
Гарадоцкі замак
Краіна	Беларусь
Места	Гарадок

Гісторыя

Замак у Гарадку збудавалі ў першай палове XVII ст.

У 1981 годзе замак дасьледаваў Міхась Ткачоў. Археалягічныя дасьледаваньні выявілі нязначныя фрагмэнты посуду ды іншых рэчаў XVII—XVIII стагодзьдзяў.

Архітэктура

Фартыфікацыі месьціліся з абодвух бакоў ракі Гаражанкі: на балоцістым лузе левага ўзьбярэжжа было чатырохкутнае зямельнае ўмацаваньне, а на правым узвышаным беразе стаяў мураваны замак^[1]. Апошні меў форму пяцікутніка і ўмацоўваўся валам і ровам. Роў меў шырыню да 16 мэтраў (яго рэшткі захаваліся з паўночнага, усходняга і часткова заходняга бакоў замчышча). З паўночна-заходняга боку знаходзілася балота, зь якога выцякаў і ўпадаў у абарончы роў ручай. Бастыёны замка знаходзіліся на адлегласьці 20 мэтраў адзін ад аднаго (іх сьляды выявілі ў паўночнай і ўсходняй частках Замчышча)^[2].