Арэх

Арэх, гарэх^[1][2] (лац. Juglans) — род лістападных дрэў сямейства арэхавых.

Дрэвы вышынёй да 30 м, з густой, разгалістай кронай і сьветла-шэрай, бурай або амаль чорнай карой. Лісьце вялікае, няпарнаперыстае. Кветкі раздзельнаполыя: мужчынскія ў доўгіх зьвіслых каташках, жаночыя адзіночныя або па некалькі ў гронках. Плод — сухая касьцянка (арэх).

Радзіма — Эўропа, Паўднёва-Ўсходняя Азія, Паўночная Амэрыка.

На Беларусі інтрадукавана 10 відаў і форм. Найбольш вядомыя: валоскі арэх, арэх манчжурскі, сэрцападобны, Зібальда, чорны, шэры, скальны. Цвітуць у красавіку-чэрвені, рэгулярана пладаносяць. Добра пераносяць гарадзкія ўмовы.

Каштоўныя пладовыя, тэхнічныя і дэкаратыўныя дрэвы.