Гасьцёўня Ўладзіслава Галубка

Гасьцё́ўня Ўладзісла́ва Галубка́ — музэй, прысьвечаны жыцьцю і творчасьці кіраўніка БДТ-3, рэжысэра, актора, Народнага артыста БССР Уладзіслава Галубка. Знаходзіцца ў Траецкім прадмесьці ў будынку №14 па вул. Старавіленскай. Зьяўляецца філіяй Дзяржаўнага музэю гісторыі тэатральнай і музычнай культуры Рэспублікі Беларусь.

Гасьцёўня Ўладзіслава Галубка
Гасцёўня Ўладзіслава Галубка
Старавіленская, д. 14
Філія	Дзяржаўнага музэю гісторыі тэатральнай і музычнай культуры Рэспублікі Беларусь
Месцазнаходжаньне	Менск, Беларусь
Адрас	Старавіленская, д. 14
Геаграфічныя каардынаты	53°54′32.46″ пн. ш. 27°33′21.24″ у. д.
Гасьцёўня Ўладзіслава Галубка на мапе Беларусі ± Гасьцёўня Ўладзіслава Галубка Гасьцёўня Ўладзіслава Галубка
by.theatre-museum.by

Першапачаткова ў будынку №14 разьмяшчаўся музэй тэатральнай і музычнай культуры. На сёньняшні дзень тут знаходзіцца фандасховішча і працуе навукова-фондавы аддзел. Для наведвальнікаў працуе сталая экспазыцыя «Жыцьцёвы і творчы шлях першага Народнага артыста Беларусі Ўладзіслава Галубка», дзе прадстаўленыя дакумэнты і гістарычныя сьведчаньні пра жыцьцё і творчую дзейнасьць Галубка з фондавай калекцыі музэю. Маецца выставачная заля, дзе ладзяцца тэматычныя выставы, мерапрыемствы, музычныя вечарыны, батлейкавыя інтэрмэдыі^[1].