Дзяржаўны музэй гісторыі тэатральнай і музычнай культуры Рэспублікі Беларусь

Дзяржаўны музэй гісторыі тэатральнай і музычнай культуры Рэспублікі Беларусь. Заснаваны 23 сакавіка 1990 году^[1].

Дзяржаўны музэй гісторыі тэатральнай і музычнай культуры Рэспублікі Беларусь
Філіі	Гасьцёўня Ўладзіслава Галубка Музэй гісторыі беларускага кіно
Месцазнаходжаньне	Менск, Беларусь
Адрас	г. Менск, зав. Музычны, 5
Велічыня калекцыі	10 056
Створаны	23 сакавіка 1990 г.
Дырэктар	Зінаіда Кучар
Геаграфічныя каардынаты	53°54′18.7″ пн. ш. 27°33′33.96″ у. д.
Дзяржаўны музэй гісторыі тэатральнай і музычнай культуры Рэспублікі Беларусь на мапе Беларусі ± Дзяржаўны музэй гісторыі тэатральнай і музычнай культуры Рэспублікі Беларусь Дзяржаўны музэй гісторыі тэатральнай і музычнай культуры Рэспублікі Беларусь
by.theatre-museum.by

Спачатку музэй месьціўся ў будынку па вуліцы Старавіленская, 14 (сёньня там знаходзіцца адна зь дзьвюх філіяў музэю — «Гасьцёўня Ўладзіслава Галубка»). У 2001 годзе музэй пераехаў у спэцыяльна адрэстаўраваны для яго будынак у Музычным завулку^[1].

Музэй месьціцца ў гістарычным будынку, так званым «Доме масонаў». Рэстаўрацыя будынку працягвалася амаль дзесяць гадоў, у гэты час зьбіралі й экспанаты для будучага музэю^[2].

Акрамя прагляду экспазыцыі ў музэі можна пабачыць лялечны спэктакль у батлейцы, таксама ладзяцца музычныя вечарыны.

Філіялы

Музэй мае 2 філіі: «Музэй гісторыі беларускага кіно» (вул. Сьвярдлова, 4) і «Гасьцёўня Ўладзіслава Галубка» (вул. Старавіленская, 14).

Калекцыі

Асноўны фонд музэю на канец 2010 году складаў больш за 25 000 адзінак захоўваньня, навукова-дапаможны — больш за 2500 адзінак. Агульная плошча экспазыцыі складае 362 м². Музэй мае 10 экспазыцыйных і адну выставачную залю^[1].

Усе экспанаты падзяляюцца на калекцыі^[1]:

• музычныя інструмэнты
• нотныя рукапісы
• дакумэнтальныя матэрыялы
• фатаздымкі й фотарэпрадукцыі
• афішы й праграмы
• выяўленчыя матэрыялы
• фоназапісы
• відэазапісы
• рэдкія друкаваныя выданьні
• мэмарыяльныя рэчы