Георгі Іванавіч Кузьняцоў

Гео́ргі Іва́навіч Кузьняцо́ў (нарадзіўся 28 жніўня 1950 году, в. Старына, Барысаўскі раён, Менская вобласьць) — беларускі дзяржаўны дзяяч, старшыня Дзяржаўнага камітэту па маёмасьці Рэспублікі Беларусь (2006—2014).

Вікіпэдыя мае артыкулы пра іншых асобаў з прозьвішчам Кузьняцоў.

Георгі Кузьняцоў
Старшыня Дзяржаўнага камітэту па маёмасьці Рэспублікі Беларусь
5 траўня 2006 — 27 сьнежня 2014
Прэзыдэнт	Аляксандар Лукашэнка
Наступнік	Андрэй Гаеў
Асабістыя зьвесткі
Нарадзіўся	28 жніўня 1950 (74 гады) в. Старына, Барысаўскі раён, Менская вобласьць, БССР
Адукацыя	Беларуская сельскагаспадарчая акадэмія

Біяграфія

Нарадзіўся ў 1950 годзе ў в. Старына Барысаўскага раёну Менскай вобласьці Беларускай ССР.

Скончыў Беларускую сельскагаспадарчую акадэмію. Працаваў інжынэрам і старшым інжынэрам інстытуту «Белгіпразем», інжынэрам глебава-экалягічнай экспэдыцыі ў Лібіі.

1991—1995 — намесьнік старшыні Камітэту па зямельнай рэформе і землеўпарадкаваньні пры Савеце Міністраў. 1995—1997 — старшыня Камітэту па зямельных рэсурсах Міністэрства прыродных рэсурсаў і аховы навакольнага асяродзьдзя. 1997—2001 — старшыня Дзяржаўнага камітэту па зямельных рэсурсах, геадэзіі і картаграфіі Рэспублікі Беларусь. 2001—2006 — старшыня Камітэту па зямельных рэсурсах, геадэзіі і картаграфіі пры Савеце Міністраў. З 5 траўня 2006 да 27 сьнежня 2014 году — старшыня Дзяржаўнага камітэту па маёмасьці Беларусі.

Вонкавыя спасылкі

• Старонка на праекце «Хто ёсьць хто ў Рэспубліцы Беларусь»(недаступная спасылка) (рас.)