Герб Смаленскага ваяводзтва

Герб Смаленскага ваяводзтва — афіцыйны сымбаль Смаленскага ваяводзтва Вялікага княства Літоўскага.

Герб Смаленскага ваяводзтва
Выява гербу, 1555 г.
Апісаньне
Першыя згадкі	1508
Носьбіт	Смаленскае ваяводзтва
Герб Смаленскага ваяводзтва ў Вікісховішчы

Апісаньне

У срэбным полі чырвоны сьцяг з трыма хвастамі ў слуп. Дрэўка і канец у выглядзе крыжа — залатыя.

Гісторыя

У 1404 годзе Вітаўт далучыў Смаленшчыну да ВКЛ як «Смаленскую зямлю». У 1507 г. было створанае ваяводзтва і амаль адразу ягоны герб зьяўляецца на пячатцы Стэфана Баторы.

За часам Вітаўта на пячатках Вялікага княства Літоўскага ў якасьці сымбалю Смаленшчыны прысутнічала выява срэбнага мядзьведзя на чырвоным полі^[1].

У рукапісе Яна Длугаша (1464—1480) маецца апісаньне гербу Смаленшчыны ў складзе Вялікага княства Літоўскага: у срэбным полі чырвоны сьцяг з трыма хвастамі, дрэўка і канец у выглядзе крыжа залатыя. У рукапісе Stemmata Polonica (каля. 1555 г.) зь «Бібліятэкі Арсэнала» ў Парыжы апісаньне Длугаша суправаджаецца ілюстрацыяй^[2].

Пасьля стварэньня Смаленскага ваяводзтва ў 1508 г. уносяцца адпаведныя зьмены на пячатках. Смаленскі сьцяг застаецца на вялікіх літоўскіх пячатках да канцу існаваньня ВКЛ.

• Герб Смаленскае зямлі ў складзе ВКЛ
• 
  Герб зь пячаткі Вялікана князя Літоўскага Вітаўта з Смаленскім мядзьведзем, 1404 г.
• 
  Пячатка Жыгімонта Кейстутваіча, Вялікага князя Літоўскага, 1437 г.
• 
  Герб Смаленшчыны (Smollenghe) з гербоўніка Armorial Gymnich (Lyncenich), 1430-я гады
• 
  Герб Смаленскае зямлі з гярбоўніка «Кодэкс Бэргсгамара», прыкладна 1435 г.

• Гербы Смаленскага ваяводзтва ў літоўскай геральдыцы
• 
  Герб ваяводзтва з рукапісу Stemmata Polonica, другая палова XVI стагодзьдзя^[2]
• 
  З польскага выданьня Статута Вялікага княства Літоўскага 1588 году
• 
  Герб зь вялікай Літоўскай пячаткі Яна III Сабескага, 1676 г.
• 
  Герб зь пячаткі Вялікага князя Літоўскага Станіслава Аўгуста Панятоўскага.

• Гербы Смаленскага ваяводзтва ў польскай геральдыцы
• 
  Намінальная пячатка ваяводзтва Смаленскага, 1668 год^[3]
• 
  З гярбоўніка Каспара Нясецкага, выданьне 1839 году
• 
  З польскага гярбоўніка канцу XIX ст.^[4]
• 
  У Пасольскай залі Каралеўскага замку ў Варшаве^[5]

Глядзіце таксама

• Герб Смаленска