Гумэннэ

Гу́мэннэ (па-славацку: Humenné, па-ўкраінску: Гуменне, па-нямецку: Homenau, па-вугорску: Homonna, саст. па-расейску: Гумённое) — невялікі горад на ўсходзе Славаччыны на зьліцьці рэк Лабарац і Ціраха ў падножжа горнага масіва Вігарлат на мяжы з Украінай. Насельніцтва каля 36 тыс. чалавек.

Гумэннэ
славац. Humenné
Герб Гумэннага Сьцяг Гумэннага
Дата заснаваньня:	1317
Краіна:	Славаччына
Край:	Прашаўскі
Плошча:	28,6317 км² (2024)[1]
Вышыня:	157 м н. у. м.
Насельніцтва:	▼29 567 чал. (31 сьнежня 2024)[2]
Часавы пас:	UTC+1
летні час:	UTC+2
Тэлефонны код:	057
Паштовы індэкс:	066 01
Нумарны знак:	HE
Геаграфічныя каардынаты:	48°55′50″ пн. ш. 21°54′44″ у. д.
Гумэннэ на мапе Славаччыны Гумэннэ
Галерэя здымкаў у Вікісховішчы
https://www.humenne.sk

Гісторыя

Горад упершыню згадваецца ў 1317 годзе як уладаньне дваранскай сям’і Другетаў і ў сувязі з засяленьнем спаленага татарамі гораду перасяленцамі з украінскага Падольля, якія перайшлі сюды разам з князем Фёдарам Карыятавічам. Паступова горад становіцца адным з найважнейшых гарадоў Зэмпліна. У 1871 годзе ў Гумэнным зьяўляецца чыгунка, а ў 1889 адкрываецца першая ў Аўстра-Вугоршчыне гандлёвая акадэмія. Падчас Другой сусьветнай вайны горад быў моцна разбураны. У 1956 годзе пачынаецца шырокая рэканструкцыя гораду і індустрыялізацыя.

Асаблівасьцю Гумэннага зьяўляецца факт, што пятая частка насельніцтва зьяўляецца праваслаўнымі і ўніятамі.