Гэнры Фонда

Гэнры Джэйнз Фонда (па-ангельску: Henry Jaynes Fonda; 16 траўня 1905, Гранд-Айлэнд, Нэбраска, ЗША — 12 жніўня 1982, Лос-Анджэлес, ЗША) — амэрыканскі актор тэатра й кіно, ляўрэат прэміі «Оскар», бацька актораў Пітэра й Джэйн Фонда.

Гэнры Фонда
па-ангельску: Henry Fonda
Гэнры Фонда ў фільме «Разумнік» (1937)
Імя пры нараджэньні	Гэнры Джэйнз Фонда
Дата нараджэньня	16 траўня 1905
Месца нараджэньня	Гранд-Айлэнд, ЗША
Дата сьмерці	12 жніўня 1982 (77 гадоў)
Месца сьмерці	Лос-Анджэлес, ЗША
Прычына сьмерці	сардэчнае захворваньне[d]
Месца вучобы	Мінэсоцкі ўнівэрсытэт[d] Omaha Central High School[d]
Занятак	актор
Навуковая сфэра	акторства[d][1], фільм[1], тэатар[1], тэлебачаньне[1] і кінавытворчасьць[d][1]
Жанры	вэстэрн[d], спагеці-вэстэрн[d], драматычны фільм, фільм пра злачынствы, трылер[d], баявік (кіно), прыгодніцкі фільм, нуар[d], кінакамэдыя, ваенны фільм, містэрыйны фільм[d], псыхалягічны фільм-трымценьнік[d] і фэнтэзійны фільм
Бацька	Ўільям Брэйс Фонда[d][2]
Маці	Эльма Гербэрта Джэйнз[d][2]
Дзеці	Пітэр Фонда[d][2] і Джэйн Фонда
Узнагароды	BAFTA (1957) «Оскар» (1980, 1981)
IMDb	ID nm0000020
Гэнры Фонда ў Вікісховішчы

Фонда стаў вядомы як актор Брадўэю. Ягоны дэбют у Галівудзе адбыўся ў 1935 годзе. Кар’ера рэзка пайшла ў гору пасьля атрыманьня намінацыі на прэмію «Оскар» у 1940 годзе за ролю Тома Джоада ў фільме «Гронкі гневу», пастаўленым паводле аднайменнага раману Джона Стэйнбэка пра фэрмэрскую сям’ю з Аклагомы, якая ў часы Вялікай дэпрэсіі ў пошуках лепшага жыцьця пераяжджае на Захад, трапляючы ў Пыльны кацёл.

Усе шэсьць дзесяцігодзьдзяў у Галівудзе Гэнры Фонда падтрымліваў свой ​​вобраз моцнага, абаяльнага мужчыны ў фільмах, якія сталі клясыкай Галівуду: «Выпадак ува Окс-Боў», «Містэр Робэртс», «12 разьюшаных мужчынаў». Пазьней ён здымаўся ў цяжкіх эпічных карцінах, як напрыклад, «Аднойчы на Дзікім Захадзе» (у ролі нягодніка-забойцы) рэжысэра Сэрджа Леонэ, а таксама ў такіх лёгкіх камэдыях як «Тваё, маё й наша» зь Люсіл Бол.