Дамінік Пац

Дамінік Пац (? — 1579) — дзяржаўны дзяяч Вялікага Княства Літоўскага. Кашталян смаленскі (з 1571).

Дамінік Пац

Герб «Газдава»
Асабістыя зьвесткі
Нарадзіўся	невядома
Памёр	1579
Род	Пацы
Бацькі	Мікалай Пац Аляксандра з Гальшанскіх
Жонка	Ганна з Лозкаў
Дзеці	Ян, Мікалай

Меў маёнткі ў Берасьцейскім павеце.

Біяграфія

Прадстаўнік шляхецкага роду Пацаў гербу «Газдава», сын Мікалая, ваяводы падляскага, і Аляксандры з Гальшанскіх. Пачынальнік берасьцейскай галіны роду. Меў братоў Станіслава, Мікалая і Паўла.

У 1568 атрымаў урад падкаморага берасьцейскага. Удзельнічаў у складаньні Люблінскай уніі (1569).

Вызнаваў кальвінізм. Ягоныя маёнткі налічвалі каля 1,9 тыс. сялянскіх двароў^[1].

Ажаніўся з Ганнай, дачкой войскага берасьцейскага Андрэя Лозкі, удавой Льва Пацея. У шлюбе нарадзіліся дзеці Ян і Мікалай^[2].