Мікалай Пац (сын Дамініка)

Мікалай Пац (? — 1595)  — дзяржаўны дзяяч Вялікага Княства Літоўскага. Падкаморы берасьцейскі (з 1579).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Мікалай Пац.

Мікалай Пац

Герб «Газдава»
Асабістыя зьвесткі
Нарадзіўся	невядома
Памёр	1595
Пахаваны	Вільня[1]
Род	Пацы
Бацькі	Дамінік Пац Ганна з Лозкаў
Жонка	Соф’я з Сапегаў
Дзеці	Стэфан, Самуэль, Тэафіла, Багдана, Эва, Ганна

Меў маёнткі ў Берасьцейскім павеце^[2].

Біяграфія

Прадстаўнік шляхецкага роду Пацаў гербу «Газдава», сын Дамініка, кашталяна смаленскага, і Ганны з Лозкаў. Меў брата Яна і браценіка Іпація Пацея.

Ажаніўся з Соф’яй, дачкой ваяводы менскага Багдана Сапегі. У шлюбе нарадзіліся дзеці:

• Стэфан (1587—1640), падканцлер вялікі літоўскі
• Самуэль (1590—1628), харужы вялікі літоўскі
• Тэафіла
• Багдана
• Эва, жонка Аляксандра Гасеўскага
• Ганна, жонка Крыштапа Кялчэўскага^[3].