Даніель Агер

Даніе́ль Мю́нтэ А́гер (па-дацку: Daniel Munthe Agger‎; нар. 12 сьнежня 1984 году, Відаўрэ, Данія) — дацкі футбаліст, які выступаў за нацыянальную зборную Данію на пазыцыі абаронцы. Агер зьяўляўся капітанам зборнай сваёй краіны. Вядомы дзякуючы выступам за ангельскі «Лівэрпул».

Даніель Агер
Пэрсанальная інфармацыя
Нарадзіўся	12 сьнежня 1984(1984-12-12)[1][2][3] (40 гадоў) Відаўрэ[d], Капэнгаген[d], Данія
Рост	191 см
Вага	80 кг
Пазыцыя	абаронца
Клюбы
Гады	Клюб	Гульні (галы)¹
2004—2006	Брэнбю	34 (5)
2006—2014	Лівэрпул	175 (9)
2014—2016	Брэнбю	32 (2)
Зборныя
2004—2006	Данія (да 21)[d]	10 (3)
2005—2016	Данія	74 (11)

Кар’ера

«Брэнбю»

Агер быў названы самым пэрспэктыўным гульцом Даніі на працягу двух гадоў запар, у 2004 і 2005 гадох. Даніель далучыўся да «Брэнбю» ў 2004 годзе й дэбютаваў за свой новы клюб 25 ліпеня 2004 году ў матчы чэмпіянату супраць «Одэнсэ». Атрымаў свой ​​шанец раней, чым чакалася, таму што дасьведчаны абаронца «Брэнбю» Андрэас Якабсан быў прададзены «Саўтгэмптану». Агер быў названы найлепшым гульцом «Брэнбю» ў трох гульнях запар, неўзабаве пасьля свайго дэбюту, ён замацаваўся ў першай камандзе ў 19-гадовым узросьце.

«Лівэрпул»

Агер прагрэсаваў з тых часоў, і ня стаў сюрпрызам ягоны пераход у «Лівэрпул» пасьля 49 гульняў у складзе «Брэнбю». Агер хутка прыстасаваўся да гульні «Лівэрпулу», і ўжо ў хуткім часе Самі Хююпія саступіў яму месца ў асноўным складзе.

Дасягненьні

«Брэнбю»:

• Чэмпіён Даніі: 2005
• Уладальнік Кубка Даніі: 2005

«Лівэрпул»:

• Уладальнік Супэркубка Ангельшчыны: 2006
• Уладальнік Кубка лігі Ангельшчыны: 2012

Асабістае жыцьцё

Малодшы стрыечны брат Даніеля Мікалай Агер таксама быў футбалістам. У траўні 2010 году, Агер абраўся шлюбам са сваёй сяброўкай Сафі Нэльсан. Пара правяла вясельле ў Капэнгагене^[4]. Яны маюць двух сыноў, якіх клічуць Джэймі і Мэзан. Агер са сваім дзядзькам трымае паб у Даніі.