Даніель Фэрнандэс Хімэнэс

Даніе́ль Фэрна́ндэс Хімэ́нэс (па-гішпанску: Daniel Fernández Jiménez; нар. 28 сакавіка 2001 году) — гішпанскі гандбаліст нямецкага клюбу «Штутгарт» і нацыянальнай зборнай Гішпаніі. Гуляе на пазыцыі левага скрайняга.

Даніель Фэрнандэс Хімэнэс
Пэрсанальная інфармацыя
Нарадзіўся	28 сакавіка 2001(2001-03-28) (24 гады) Сабадэль, сталічная акруга Барсэлёна[d], правінцыя Барсэлёна[d], Каталёнія, Гішпанія
Клюбная інфармацыя
Клюб	Штутгарт
Нумар	6
Клюбы
Гады	Клюб
2020—2022	Кангас[d]
2022—4	Штутгарт
Зборныя
2021—4	Гішпанія

Кар’ера

З сэзону 2017—2018 гадоў Фэрнандэс бараніў колеры другой каманды «Барсэлёны», якая спаборнічала ў другой лізе чэмпіянату Гішпаніі. Перад пачаткам сэзону 2020—2021 гадоў узмацніў каманды элітнага дывізіёну «Кангас»^[1]. За каманду з Кангасу левы скрайні забіў 130 галоў у 34 гульнях у сваім першым сэзоне і быў абраны ў каманду ўсіх зорак лігі^[1]. У наступным сэзоне палепшыў свой паказьнік да 147 галоў у 30 матчах і зноў быў прызнаны найлепшым левым скрайнім^[2]. У 2022 годзе Фэрнандэс склаў трохгадовую працоўную ўгоду з клюбам нямецкай Бундэсьлігі «Штутгарт», які ачольваў ягоны былы трэнэр у другой камандзе «Барсэлёны» Рой Санчэс^[1]. У сакавіку 2024 году падпісаў кантракт з «Барсэлёнай», да якой мусіць далучыцца ў 2025 годзе^[3].