Джон Ле Карэ

Джон Ле Карэ́ (па-ангельску: John le Carré; сапраўднае імя — Дэ́йвід Джон Мур Ко́рнуэл^[13], па-ангельску: David John Moore Cornwell; 19 кастрычніка 1931, Пул, Англія — 12 сьнежня 2020, Труро^[14]) — ангельскі пісьменьнік, аўтар шпіёнскіх раманаў. За 50 год выдаў 22 раманы, якія перакладзеныя на 36 моваў^[15]. Яго кнігі шмат разоў былі экранізаваныя.

Джон Ле Карэ
Асабістыя зьвесткі
Нарадзіўся	19 кастрычніка 1931(1931-10-19)[1][2][3][…] Пул[d], Дорсэт, Ангельшчына, Вялікабрытанія[4]
Памёр	12 сьнежня 2020(2020-12-12)[5][6] (89 гадоў) Трура[d], Корнўал[d], Cornwall[d], Паўднёва-Заходняя Ангельшчына[d], Ангельшчына, Вялікабрытанія[7]
Бацькі	Olive Moore Cornwell[d]
Сужэнец	Ann Sharp[d][8] і Valerie Eustace[d][8]
Дзеці	Nick Harkaway[d]
Літаратурная дзейнасьць
Род дзейнасьці	навэліст, сцэнарыст, кінапрадусар, актор, шпіён, пісьменьнік
Гады творчасьці	з 1961
Жанр	дэтэктыў[d][9] і шпіёнскі твор[d]
Мова	нямецкая[10], француская мова і ангельская[11][12]
Узнагароды	мэмарыяльная прэмія Джэймза Тэйта Блэка[d] (1977) The Grand Master[d] (1984) прэмія Самэрсэта Моэма[d] (1964) прэмія Мартына Бэка[d] (1986) Дыямэнтавы кінжал Карцье[d] (1988) прэмія Гелмэрыха[d] (1990) Dagger of Daggers[d] (2005) ганаровы доктар Бернскага ўніверсітэта[d] (2008) прэмія Уляфа Пальмэ[d] (2019) German Crime Fiction Award[d] (2018) прэмія Эдгара Алана По за найлепшы раман[d] (1965)
Подпіс
Джон Ле Карэ ў Вікісховішчы
http://www.johnlecarre.com/

Жыцьцяпіс

Скончыў Лінкальн-каледж Оксфарду, ужо ва ўнівэрсытэце пачаў супрацоўнічаць з брытанскай контравыведкай Мі-5, выкладаў мовы ў самай прэстыжнай брытанскай школе, Ітане, а затым перайшоў на штатную працу ў контравыведку. У 1959 годзе ён перайшоў на працу ў замежную выведку Мі-6, працаваў пад дыпляматычным прыкрыцьцём ў Заходняй Нямеччыне.

Пачаў пісаць раманы аб працы выведкі ў часы халоднай вайны; пасьля таго, як да іх прыйшоў посьпех, пакінуў дзяржаўную службу. Самыя вядомыя яго кнігі — «Шпіён, які прыйшоў з холаду», «Шпіён, выйдзі прэч», «Расейскі дом», апошняя яго праца выйшла ў 2019 годзе.

Творы Ле Карэ вылучае адсутнасьць у іх супэргерояў, складаныя псыхалягічныя лініі, бездакорная ангельская мова. Ён увёў у шырокі ўжытак многія словы з тэрміналёгіі спэцслужбаў, напрыклад, слова «крот» для ўкаранёных агентаў стала шырока выкарыстоўвацца пасьля яго раману «Шпіён, выйдзі прэч» 1974 году.