Джордж Абэла

Джордж Абэла (па-мальтыйску: Ġorġ Abela, па-ангельску: George Abela, нарадзіўся 22 красавіка 1948) — мальтыйскі палітык-лейбарыст, прэзыдэнт Мальты з 4 красавіка 2009 да 4 красавіка 2014 году.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Абэла.

Джордж Абэла
па-мальтыйску: Ġorġ Abela
8-ы прэзыдэнт Мальты
4 красавіка 2009 — 4 красавіка 2014
Прэм’ер-міністар	Лорэнс Гонзі Джозэф Мускат
Папярэднік	Эдвард Фэнэк Адамі
Наступнік	Мары-Луіз Калейра Прэка
Асабістыя зьвесткі
Нарадзіўся	22 красавіка 1948 (77 гадоў) Кормі, Мальта
Партыя	Лейбарысцкая партыя
Адукацыя	Мальтыйскі унівэрсытэт
Сужэнец	Марґарэт Абэла
Дзеці	2
Узнагароды

Біяґрафія

Скончыўшы Мальтыйскі ўнівэрсытэт, з 1975 Джордж Абэла працаваў юрыстам, актыўна ўдзельнічаючы ў дзейнасьці прафсаюзных арганізацыяў. У 1982—1992 ён зьяўляўся прэзыдэнтам Футбольнай асацыяцыі Мальты і шмат зрабіў для разьвіцьця спартовай інфраструктуры. Затым ён быў абраны намесьнікам старшыні Лейбарысцкай партыі па партыйных справах, а ў 1996 пасьля перамогі партыі на парлямэнцкіх выбарах дарадцам прэм'ер-міністра Альфрэда Санта, але ўжо ў наступным годзе з-за рознагалосьсяў з апошнім сышоў у адстаўку. У 1998 ён пакінуў партыйны пост, а ў 2000 сышоў з прафсаюзнага кіраўніцтва, заняўшыся прыватнай юрыдычнай практыкай. У 2008 ён удзельнічаў у выбарах лідэра лейбарыстаў, але заняў другое месца, атрымаўшы ў другім туры каля 34 % галасоў.

У 2009 парлямэнт Мальты выбраў Джорджа Абэла новым прэзыдэнтам краіны. Паколькі ва ўладзе ў краіне знаходзілася кансэрватыўная Нацыяналістычная партыя, гэта стала першым выпадкам абраньня на Мальце прэзыдэнта ад дзеючай апазыцыі.

Вонкавыя спасылкі

• Афіцыйны сайт прэзыдэнта Мальты.  (анг.)