Дзяніс Садоўскі (футбаліст)

Дзяніс Садоўскі (нар. 11 жніўня 1997 году) — беларускі футбаліст, брамнік «Маладэчна-2018».

Вікіпэдыя мае артыкулы пра іншых асобаў з прозьвішчам Садоўскі.

Дзяніс Садоўскі
Пэрсанальная інфармацыя
Нарадзіўся	11 жніўня 1997(1997-08-11)[1][2] (27 гадоў) Тулава[d], Віцебскі раён, Віцебская вобласьць, Беларусь[3][4]
Рост	191 см[5]
Вага	77 кг[5]
Пазыцыя	брамнік
Клюбная інфармацыя
Клюб	Паперпрам
Нумар	1
Клюбы
Гады	Клюб	Гульні (галы)¹
2017—2018	Шахцёр Салігорск	0 (0)
2018	→ Ворша	13 (0)
2019—2021	Энэргетык-БДУ	18 (0)
2021	Том Томск	8 (0)
2022	Гомель	21 (0)
2023	Дынама Берасьце	5 (0)
2023	Славія Мазыр	0 (0)
2024	Слуцак	6 (0)
2024	Дняпро Магілёў	6 (0)
2025	Маладэчна-2018	6 (0)
2025—4	Паперпрам

Кар’ера

Выхаванец віцебскай ДЮСШ «Дзьвіна». З 2015 году пачаў выступаць за дубль салігорскага «Шахцёра», дзе зь цягам часу стаў асноўным гульцом. З 2017 году пачаў трывала прыцягвацца да галоўнай каманды, нярэдка заставаўся на лаўцы запасных. Дэбютаваў за асноўную каманду «Шахцёра» 9 ліпеня 2017 году ў матчы 1/16 фіналу Кубка Беларусі супраць менскага «Промня», калі выйшаў на замену ў другім тайме.

У жніўні 2018 году быў аддзены ў арэнду ў «Воршу», дзе быў першым брамнікам каманды. У студзені 2019 году перайшоў у сталічны «Энэргетык-БДУ»^[6]. У сэзоне 2019 году выступаў за дубль, не выходзячы ў складзе першай каманды, а на наступны год пачаў прыцягвацца да галоўнай каманды. Дэбютаваў у Найвышэйшай лізе 5 красавіка 2020 году ў матчы супраць «Менску» (2:0), калі правёў на полі ўсе 90 хвілінаў сустрэчы. У далейшым да лета трывала гуляў у асноўнай камандзе, пасьля чаго зноў пачаў выступаць пераважна за дубль. У студзені 2021 году падоўжыў кантракт з сталічным клюбам^[7]. У сэзоне 2021 году часам выходзіў у стартавым складзе. У жніўні 2021 году пакінуў «Энэргетык-БДУ»^[8] і неўзабаве стаў гульцом расейскай «Тамі»^[9]. У сьнежні 2021 году кантракт з расейскім клюбам паводле пагадненьня бакоў быў скасаваны^[10].

У студзені 2022 году вярнуўся ў Беларусь і падпісаў кантракт з «Гомлем»^[11]. Быў асноўным брамнікам гомельскай каманды. У студзені 2023 году паводле пагадненьня бакоў пакінуў клюб^[12] і неўзабаве далучыўся да берасьцейскага «Дынама»^[13]. У жніўні 2023 году скасаваў кантракт зь берасьцейцамі^[14] і ўзмацніў склад мазырскай «Славіі»^[15]. У лістападзе 2023 году пакінуў «Славію», гэтак і не згуляўшы за яе ў Найвышэйшай лізе^[16]. У студзені 2024 году стаў гульцом «Слуцку»^[17]. У клюбе зь Менскай вобласьці стаў толькі другім брамнікам, ня здолеўшы выціснуць з складу Ільлю Бранаўца. Згуляўшы некалькі матчаў, у ліпені 2024 году гулец пакінуў клюб^[18] ды прыяднаўся да магілёўскага «Дняпра»^[19]. У складзе новага клюбу ня даў рады, зноў стаўшы другім брамнікам каманды. Перад пачаткам сэзону 2025 году прыяднаўся да «Маладэчна-2018»^[20].

Дасягненьні

• Уладальнік Кубка Беларусі: 2022