Днястроўскі ліман

Днястро́ўскі ліма́н — заліў на паўночна-заходнім узьбярэжжы Чорнага мора, у які ўпадае рака Днестр. Разьмешчаны ў Адэскай вобласьці Ўкраіны.

Фатаграфія лімана са спадарожніка Landsat

Заліў удаецца ў сушу з паўднёвага ўсходу на паўночны захад на 41 км, шырыня 4—12 км, глыбіня 2,6 м. Днястроўскі ліман аддзелены ад мора вузкай пяшчанай касой Бугаз, у паўднёвай частцы якой маецца праход у мора. На касе разьмешчаны курорт Караліна-Бугаз. Плынь у лімане залежыць ад вятроў і паводак на Днястры. Узімку Днястроўскі ліман замярзае. На лімане разьмешчаныя парты Белгарад-Днястроўскі і Авідыёпаль. У самім Днястроўскам лімане таксама вылучаюць Карагольскі заліў.

Раней Днястроўскі ліман звалі Авідыёвым возерам.

Ліман

Вонкавыя спасылкі

• Статыстычныя зьвесткі пра ліман(недаступная спасылка)
• Тапаграфічная карта паўночнай часткі лімана
• Тапаграфічная карта паўднёвай часткі лімана