Белгарад-Днястроўскі

Белгарад-Днястроўскі (па-ўкраінску: Білгород-Дністровський) — места ў Адэскай вобласьці Ўкраіны, на Днястроўскім лімане. Адміністрацыйны цэнтар Белгарад-Днястроўскага раёну. Знаходзіцца за 18 км ад Чорнага мора, за 100 км ад Адэсы. Чыгуначная станцыя. Порт.

Белгарад-Днястроўскі лац. Biełharad-Dniastroŭski
укр. Білгород-Дністровський
Фартэцыя
Герб Белгарад-Днястроўскага Сьцяг Белгарад-Днястроўскага
Першыя згадкі:	498 да н. э.
Былая назва:	Белгарад
Краіна:	Украіна
Вобласьць:	Адэская
Раён:	Белгарад-Днястроўскі
Плошча:	31 км²
Вышыня:	28 м н. у. м.
Насельніцтва (2005)
колькасьць:	51 000 чал.
шчыльнасьць:	1645,16 чал./км²
Часавы пас:	UTC+2
летні час:	UTC+3
Тэлефонны код:	+380 4849
Паштовыя індэксы:	67700—67719
Геаграфічныя каардынаты:	46°11′38.101″ пн. ш. 30°20′28.000″ у. д.
Белгарад-Днястроўскі на мапе Ўкраіны Белгарад-Днястроўскі
Галерэя здымкаў у Вікісховішчы
Афіцыйны сайт

ЮНЭСКО занесла Белгарад у сьпіс найстарэйшых местаў Эўропы, што мелі бесьперапыннае існаваньне — побач з Рымам, Атэнамі і Ерусалімам.

Гісторыя

Век Белгараду-Днястроўскага складае каля 2500 гадоў. Места шмат разоў зьмяняла назву (Ціра, Альба, Аспракастрон, Акчакерман, Чатаця-Албэ, Манкастра, Акерман), апошняе перайменаваньне адбылося пасьля далучэньня паўднёвай Бесарабіі да СССР (1940).

У IX ст. плямёны ўлічаў і тывэрцаў стварылі тут эканамічны, палітычны і гандлёвы цэнтар — Белгарад. З XIII ст. уваходзіў у склад Галіцка-Валынскага княства. У XIV ст. яго захапілі генуэзцы і перайменавалі ў Манкастра (Маўракастра).

У выніку бітвы на Сініх Водах (1362) перайшоў да пляменьніка Альгерда князя Юрыя Карыятавіча, які вёў актыўную барацьбу супраць татарскіх уладароў.

У XV ст. вядомы пад назвай Чататаальба (Белая фартэцыя) перайшоў да Малдаўскага княства. У 1484 годзе места захапіла Турэччына, перайменаваўшы яго ў 1503 годзе ў Акерман (Белы камень). У XVI—XVIII стагодзьдзях быў сталіцай Белгарадзкай Арды. Паводле Бухарэсцкай мірнай дамовы 1812 году, якой скончылася расейска-турэцкая вайна, Акерман увайшоў у склад Расейскай імпэрыі.

З 1991 году ў складзе незалежнай Украіны.

Чорны Горад

Асноўны артыкул: Чорны Горад

У 1421 годзе^[1] на месцы цяперашняга прадмесьця Белгараду-Днястроўскага (на супрацьлеглым ад цэнтру места беразе Днястра) вялікі князь літоўскі Вітаўт заснаваў умацаванае места, якое атрымала назву Чорны Горад.^[2]

Фартэцыя згадваецца ў сьпісе замкаў, складзеным па яго сьмерці ў 1430 годзе.^[3]

Турыстычная інфармацыя

Белгарад-Днястроўскі мае шэраг цікавых турыстычных аб’ектаў:

• Акерманская фартэцыя (XV ст.)
• Армянская царква (XІV ст.)
• Баўгарская царква (1840)
• Грэцкая царква (XIII ст.)
• Падземная царква Іаана Сучаўскага (XIV—XIX ст.)
• Раскопкі старадаўняга места Ціра (V ст. да н. э.)
• Сьвята-Ўшэсьценскі сабор (1815—1820)
• Сьвята-Мікалаеўская царква (1867)
• Скіфская магіла
• Сармацкі склеп (III ст. н. э.)