Дэвіз

Дэві́з^[a] — у геральдыцы гербавая фігура або выслоўе на гербе. Разьмяшчаецца часьцей за ўсё на стужцы пад таркам. У ім адлюстроўваецца ідэя і думка герба^[1].

Тарча

Поле

Пахолак

Пахолак

Дэвіз

Клейнод

Начэльле

Намітка

Прылбіца

Карона

Пастамэнт

Ордэн

Шыльд

Эмблема

Дэвіз

Элемэнты гербу

Дэвіз на стужцы

Дэвізам зваліся першапачаткова гербавыя фігуры, якія зьмяшчаліся звыш іншых малюнкаў у шчыце і служылі ўспамінам якой-небудзь выбітнай падзеі. Ва францускай геральдыцы дэвізам зваўся яшчэ вузкі геральдычны пояс. Такое значэньне дэвізу захавалася зараз толькі ў ангельскай геральдыцы пад імем «badges» (у гербе Ёрскага дома дэвізам служыла, напрыклад, белая ружа, у гербе Ланкастарскага дома — пунсовая).

У цяперашні час дэвізам завецца кароткае выслоўе, якое мае якое-кольвек дачыненьне да герба. Так, напрыклад:

• «С нами Бог» — расейскі,
• «Съединението прави силата» — баўгарскі,
• «Dieu et mon droit» — брытанскі,
• «ძალა ერთობაშია» — грузінскі,
• «Je maintiendrai» — нідэрляндзкі,
• «Gott mit uns» — нямецкі і прускі,
• «Montjoie Saint Denis» — францускі,
• «Pravda vítězí» — чэскі,
• «E pluribus unum» — Злучаных Штатаў і да т. п.

Заўвагі

1. Беларускі геральдыст А. Цітоў адзначае, што дадзеная зьява даволі нетыповая для беларускай геральдыцы. — Крыніца: Цітоў А. Геральдыка Беларусі. — Менск: МФЦП, 2010. С. 14.