Дэляра Буркгарт

Дэляра Буркгарт (па-нямецку: Delara Burkhardt; нар. 3 лістапада 1992, Гамбург, Нямеччына^[1]) – нямецкая палітык Сацыял-дэмакратычнае партыі Нямеччыны, дэпутат Эўрапейскага парлямэнту з 2019 году.^[2] Яна зьяўляецца чальцом камітэту Эўрапейскага парлямэнту па ахове навакольнага асяродзьдзя, грамадзкага здароўя й харчовай бясьпецы(de). У дадатак да даручэньняў камітэту Буркгарт вядзе справы як чалец міжгрупы Эўрапейскага парлямэнту па правах ЛГБТ(ca),^[3] міжгрупы Эўрапейскага парлямэнту па морах, рэках, астравах і прыбярэжных зонах^[4] і рабочае групы Эўрапейскага парлямэнту па пытаньнях адказнага вядзеньня бізнэсу.^[5]

Дэляра Буркгарт
па-нямецку: Delara Burkhardt
дэпутат Эўрапейскага парлямэнту
2 ліпеня 2019 — 15 ліпеня 2024
дэпутат Эўрапейскага парлямэнту
з 16 ліпеня 2024
26 траўня 2019 — цяперашні час
Асабістыя зьвесткі
Нарадзілася	3 лістапада 1992(1992-11-03) (32 гады) Гамбург, Нямеччына
Партыя	Сацыял-дэмакратычная партыя Нямеччыны
Адукацыя	Унівэрсытэт імя Хрыстыяна Альбрэхта(be)
Сайт	delara-burkhardt.eu

Жыцьцяпіс

Буркгарт вырысла ў грамадзе Зык(de) зямлі Шлезьвіг-Гальштайн. У 2012–2016 гадох атрымлівала адукацыю ў галіне паліталёгіі ва Ўнівэрсытэце імя Хрыстыяна Альбрэхта(be) ў Кіле.

23 кастрычніка 2020 года ўзяла шэфства над Алегам Мазговым, трэнерам і палітычным вязьнем з Беларусі.^[6][7] 4 лютага 2021 году ўзяла шэфства над Кацярынаю Андрэевай, беларускаю журналісткаю й палітычнаю зьняволенаю.^[8]