Дэпартамэнт фінансавых расьсьледаваньняў Камітэту дзяржаўнага кантролю Рэспублікі Беларусь

From Wikipedia, the free encyclopedia

Remove ads

Дэпарта́мэнт фіна́нсавых расьсьле́даваньняў Камітэ́ту дзяржа́ўнага кантро́лю Рэспу́блікі Белару́сь (коратка ДФР КДК РБ) — служба пры Камітэце дзяржаўнага кантролю. Аддзел мае свае адзяленьні ва ўсіх абласных управах КДК РБ. Меў папярэніка Камітэт фінансавых расьследваньняў, які быў заснаваны ў 1998 годзе і быў самастойнаю ўстановаю. З 24 верасьня 2001 году ў складзе КДК РБ, а з 2 лістапада 2001 году мае сучасную назву.

Хуткія факты Даведка, Скарот ...
Remove ads

Аб назве

У залежнасьці ад правапісу ўстанова мае розныя назвы:

Сьцяг Беларусі Дэпартамэнт фінансавых расьсьледаваньняў Камітэта дзяржаўнага кантролю Рэспублікі Беларусь
Сьцяг Беларускай ССР Дэпартамент фінансавых расследаванняў Камітэта дзяржаўнага кантролю Рэспублікі Беларусь

Управа

Управа службы мае сваіх ураднікаў. На чале яе стаіць начальнік, а яго пасада мае назву Дырэктар Дэпартамэнту. Існуе некалькі намесьнікаў дырэктара. Сьпіс начальнікаў[1]:

Пасада Імя
Дырэктар Дэпартамэнту Самбук Андрэй Васілевіч
Намесьнік дырэктара Пракапук Андрэй Андрэевіч
Намесьнік дырэктара Франськевіч Віктар Іванавіч

Мінулае

У часы СССР існавала ўстанова пры Міністэрстве ўнутраных спраў СССР пад назваю Аддзел па барацьбе з крадзяжом сацыялістычнае ўласнасьці (коратка АБКСУ). Пасьля распаду СССР установа АБКСУ перастаў існаваць.

5 жніўня 1992 г. у складзе ўстановы Галоўная дзяржаўная падатковая інспэкцыя Міністэрства фінансаў Рэспублікі Беларусь створана ўправа падатковых расьсьледваньняў[a][2]. У канцы 1992 году дзяржава перадала некаторыя паўнамоцтвы для ўправы пры Мінфіне Беларусі. З 2 сьнежня 1992 г. на ўправу падатковых расьсьледаваньняў і яе аддзелы «на месцах» у дзяржаўных падатковых інспэкцыях ускладзена задача дазнаньня па справах аб парушэньнях заканадаўства аб прадпрымальніцтве і падатках[3]. 18 студзеня 1994 г. службам падатковых расьсьледаваньняў далі права чыніць апэратыўна-вышуковую дзейнасьць[4].

Заснаваньне

11 лютага 1998 г. была створаная новая ўстанова. Яе стварылі на аснове «Галоўнае ўправы падатковых расьсьледваньняў Дзяржаўнага падатковага камітэту»[b] створаны Дзяржаўны камітэт фінансавых расьсьледваньняў Рэспублікі Беларусь[c][5].

22 снежня 1998 г. для новага ўраду былі зацьверджаныя словы Прысягі радавога і начальніцкага складу службаў фінансавых расьсьледаваньняў Рэспублікі Беларусь[6]. Пазьней 4 чэрвеня 2001 г. прынялі Закон Рэспублікі Беларусь № 30-З «Аб органах фінансавых расьсьледаваньняў Рэспублікі Беларусь».

Remove ads

Далучэньне да КДК

24 верасьня 2001 г. Дзяржаўны камітэт фінансавых расьсьледаваньняў Рэспублікі Беларусь далучаны да Камітэта дзяржаўнага кантролю Рэспублікі Беларусь[7][8]. Пазьней, 2 лістапада 2001 г. на аснове Дзяржаўнага камітэта фінансавых расьсьледаваньняў быў створаны Дэпартамэнт фінансавых расьсьледаваньняў Камітэта дзяржаўнага кантролю Рэспублікі Беларусь[9]. 20 сьнежня 2007 г. было прынятае Палажэньне аб праходжаньні службы ў органах фінансавых расьсьледаваньняў Камітэта дзяржаўнага кантролю, разам зь ім Дысцыплінарны статут і словы прысягі радавога і начальніцкага складу органаў фінансавых расьсьледаваньняў Камітэта дзяржаўнага кантролю[10]. 16 ліпеня 2008 г. прыняты Закон Рэспублікі Беларусь № 413-З «Аб органах фінансавых расьсьледаваньняў Камітэта дзяржаўнага кантролю Рэспублікі Беларусь».

Remove ads

Знак

11 лютага 2009 г. было зацьверджанае Палажэньне аб Дэпартаменце фінансавых расьсьледаванняў Камітэта дзяржаўнага кантролю і Палажэньне аб геральдычным знаку — эмблеме органаў фінансавых расьсьледаваньняў Камітэта дзяржаўнага кантролю. Было створанае яго апісаньне і выява. Было зацьверджанае Палажэньне аб нагрудным знаку Дэпартамэнта фінансавых расьсьледаваньняў Камітэта дзяржаўнага кантролю «Выдатнiк фiнансавай мiлiцыi» і яго апісаньне[11].

Remove ads

Бяз сьледзтва

1 студзеня 2012 г. у сувязі з уступленьнем у сілу Ўказа Прэзыдэнта Рэспублікі Беларусь ад 12 верасьня 2011 г. № 409 «Аб стварэньні Сьледчага камітэта Рэспублікі Беларусь» ад Дэпартамэнту фінансавых расьсьледаваньняў Камітэта дзяржаўнага кантролю вылучаны падразьдзяленьні папярэдняга расьсьледаваньня. Яны былі далучаныя да Сьледчага камітэту.

Сьцяг і адзеньне

6 лютага 2013 г. Дэпартамэнту быў уручаны сьцяг, устаноўлены Указам Прэзыдэнта[12].

5 жніўня 2014 г. зацьверджаны:

  • сьцяг Дэпартамэнта фінансавых расьсьледаваньняў,
  • форма адзеньня,
  • знакi адрозьненьня па спэцыяльным званьням работнікаў службы фінансавых расьсьледаваньняў Камітэта дзяржаўнага кантролю[13].

Аддзелы

Дэпартамэнт мае свае аддзелы[14].

Дэпартамэнт фінансавых расьсьледаваньняў Камітэта дзяржаўнага кантролю Рэспублікі Беларусь (галоўная ўправа), а яна мае ў сваім падпарадкаваньні шэсьць абласных управаў па:

  • Берасьцейскае вобласьці
  • Віцебскае вобласьці
  • Гарадзенскае вобласьці
  • Гомельскае вобласьці
  • Магілеўскае вобласьці
  • Менскае вобласьці і месьце Менск

Кожная з абласных управаў мае ў сваім падпарадкаваньні некалькі міжраённых аддзелаў.

Галоўная ўправа

Галоўная ўправа знаходзіца ў Менску. Сядзіба: 220004, Беларусь, м. Менск, вул. Кальварыйская, 17.

Берасьцейская ўправа

Абласная ўправа ў Берасьці.

У залежнасьці ад правапісу ўстанова мае розныя назвы:

Сьцяг Беларусі Управа Дэпартамэнта фінансавых расьсьледаваньняў Камітэта дзяржаўнага кантролю Рэспублікі Беларусь па Берасьцейскае вобласьці
Сьцяг Беларускай ССР Упраўленне Дэпартамента фінансавых расследаванняў Камітэта дзяржаўнага кантролю Рэспублікі Беларусь па Брэсцкай вобласці

У склад управы ўваходзяць міжраённыя аддзелы:

  • Баранавіцкі,
  • Кобрынскі,
  • Пінскі

Віцебская ўправа

Абласная ўправа ў Віцебску.

У залежнасьці ад правапісу ўстанова мае розныя назвы:

Сьцяг Беларусі Управа Дэпартамэнта фінансавых расьсьледаваньняў Камітэта дзяржаўнага кантролю Рэспублікі Беларусь па Віцебскае вобласьці
Сьцяг Беларускай ССР Упраўленне Дэпартамента фінансавых расследаванняў Камітэта дзяржаўнага кантролю Рэспублікі Беларусь па Віцебскай вобласці

У склад управы ўваходзяць міжраённыя аддзелы:

  • Новаполацкі,
  • Аршанскі.

Гомельская ўправа

Абласная ўправа ў Гомелі.

У залежнасьці ад правапісу ўстанова мае розныя назвы:

Сьцяг Беларусі Управа Дэпартамэнта фінансавых расьсьледаваньняў Камітэта дзяржаўнага кантролю Рэспублікі Беларусь па Гомельскае вобласьці
Сьцяг Беларускай ССР Упраўленне Дэпартамента фінансавых расследаванняў Камітэта дзяржаўнага кантролю Рэспублікі Беларусь па Гомельскай вобласці

У склад управы ўваходзяць міжраённыя аддзелы:

  • Жлобінскі,
  • Мазырскі.

Гарадзенская ўправа

Абласная ўправа ў Горадні.

У залежнасьці ад правапісу ўстанова мае розныя назвы:

Сьцяг Беларусі Управа Дэпартамэнта фінансавых расьсьледаваньняў Камітэта дзяржаўнага кантролю Рэспублікі Беларусь па Гарадзенскае вобласьці
Сьцяг Беларускай ССР Упраўленне Дэпартамента фінансавых расследаванняў Камітэта дзяржаўнага кантролю Рэспублікі Беларусь па Гродзенскай вобласці

У склад управы ўваходзяць міжраённыя аддзелы:

  • Ваўкавыскі,
  • Лідзкі,
  • Слонімскі.

Менская ўправа

Абласная ўправа ў Менску.

У залежнасьці ад правапісу ўстанова мае розныя назвы:

Сьцяг Беларусі Управа Дэпартамэнта фінансавых расьсьледаваньняў Камітэта дзяржаўнага кантролю Рэспублікі Беларусь па Менскае вобласьці і месьце Менск
Сьцяг Беларускай ССР Упраўленне Дэпартамента фінансавых расследаванняў Камітэта дзяржаўнага кантролю Рэспублікі Беларусь па Мінскай вобласці і гораду Мінску

У склад управы ўваходзяць міжраённыя аддзелы:

  • Барысаўскі,
  • Гарадзкія №№ 1-4,
  • Менскі,
  • Маладэчанскі,
  • Салігорскі.

Магілеўская вобласьць

Абласная ўправа ў Магілеве.

У залежнасьці ад правапісу ўстанова мае розныя назвы:

Сьцяг Беларусі Управа Дэпартамэнта фінансавых расьсьледаваньняў Камітэта дзяржаўнага кантролю Рэспублікі Беларусь па Магілеўскае вобласьці
Сьцяг Беларускай ССР Упраўленне Дэпартамента фінансавых расследаванняў Камітэта дзяржаўнага кантролю Рэспублікі Беларусь па Магілёўскай вобласці

У склад управы ўваходзяць міжраённыя аддзелы:

  • Бабруйскі,
  • Крычаўскі.
Remove ads

Арышты

У 2024 годзе пачаліся арышты ДФР, якія чыніла КДБ Беларусі. Асноўны ўдар быў па работніках ўправы Менскае вобласьці:

Пачалося як звычайна: узялі аднаго дзеяча з менскай управы з хабарам ад прадпрымальніка за «развязанне пытанняў». Той пачаў здаваць іншых. Так і раскручваецца. Моцна прарэдзілі менскую ўправу, цяпер ідуць па цэнтральным апараце. Затрымлівае КДБ", — паведаміў нам дасведчаны суразмоўца[15]

Remove ads

Заўвагі

  1. На наркамаўцы: ўпраўленне падатковых расследаванняў.
  2. На наркамаўцы: Галоўнае ўпраўленне падатковых расследаванняў Дзяржаўнага падатковага камiтэта.
  3. На наркамаўцы: Дзяржаўны камітэт фінансавых расследаванняў Рэспублікі Беларусь.

Крыніцы

Вонкавыя спасылкі

Loading related searches...

Wikiwand - on

Seamless Wikipedia browsing. On steroids.

Remove ads