Емва

Е́мва (рас. Емва, комі-зыр. Емва) — мястэчка ў Княжпагосцкім раёне рэспублікі Комі, Расея. Зьяўляецца адміністратыўным цэнтрам мескага паселішча Емва, разам зь якім уваходзіць у склад Княжпагосцкага раёну Комі. Разьмешчаны на рацэ Вым, адлегласьць да сталіцы рэспублікі — Сыктыўкару — 122 км.

Емва
рас. Емва
Герб Емвы
Дата заснаваньня:	1930
Мясцовая назва:	комі-зыр. Емва
Краіна:	Расея
Суб’ект фэдэрацыі:	Рэспубліка Комі
Раён:	Княжпагосцкі
Насельніцтва:	▼10 620 чал. (2024)[1]
Часавы пас:	UTC+3
Тэлефонны код:	82139
Паштовы індэкс:	169200–169203
Нумарны знак:	11, 111
Геаграфічныя каардынаты:	62°35′0″ пн. ш. 50°51′0″ у. д.
Емва на мапе Расеі Емва
Галерэя здымкаў у Вікісховішчы

Гісторыя

Першапачаткова вядомы як Княжпагост (рас. Княжпогост, комі-зыр. Княжпогост). З 1941 году — пасёлак мескага тыпу пад назвай Жалезнадарожны. З 1985 году пасёлак пераўтвораны ў горад з назвай Емва. У савецкія часы мястэчка было зьвязана з сыстэмай ГУЛАГ, у сувязі з чым часта ўзгадваецца ў творы А. Салжаніцына «Архіпэляґ ГУЛАГ».

Агульныя зьвесткі

Горад знаходзіцца на чыгуначнай лініі Саснагорск — Мікунь — Котлас, маецца адпаведная чыгуначная станцыя. Дарожнай сыстэмай горад зьвязаны з Сыктыўкарам, Мікуньню і Ўхтой.

Горад падзяляецца на пяць мікрараёнаў: Ачым, Новы, Паўночны, 20-ы і 21-ы.

Прадпрыемства практычна памерла — Княжпагосцкі мэханічны завод і завод драўляна-кудзелістых плітаў закрытыя і знаходзяцца ў стадыі поўнага запушчэньня. Насельніцтва горада занятае ў дробных непрамысловых сфэрах: рыначны гандаль, прыватныя перавозкі, ахова выпраўленчых установаў, бюджэтныя сфэры.

Адкрываецца малочны завод.

Насельніцтва — прыкладна 14 500 чалавек, насельніцтва мескага паселішча — 23 400 чалавек.