Жакарэі

Жакарэі́ (па-партугальску: Jacareí) — горад у Бразыліі, які месьціцца ў штаце Сан-Паўлу. Паводле зьвестак на 2020 год насельніцтва гораду складала каля 235 тысяч чалавек^[2]. Горад вядомы як сталіца піва празь мясцовыя бравярні, якія ёсьць найвялікшымі ўва ўсёй Лацінскай Амэрыцы.

Жакарэі
Герб Жакарэі Сьцяг Жакарэі
Краіна:	Бразылія
Штат:	Сан-Паўлу
Плошча:	464,272 км²
Вышыня:	567 м н. у. м.
Насельніцтва:	▲250 952 чал. (1 ліпеня 2025)[1]
Тэлефонны код:	12
Паштовы індэкс:	12300-000
Геаграфічныя каардынаты:	23°18′18″ пд. ш. 45°57′57″ з. д.
Жакарэі на мапе Бразыліі Жакарэі
Галерэя здымкаў у Вікісховішчы
http://www.jacarei.sp.gov.br

Гісторыя

Жакарэі быў закладзены на тэрыторыі, якая належыла Мажы-дас-Крузысу. Яго заснавалі Антонію Афонсу і ягоныя сыны ў 1652 годзе. Яны пабудавалі капліцу ў гонар Маці Божай. У вёсцы жылі і тубыльцы, дзякуючы якім паселішча квітнела. У 1849 годзе вёска атрымала статус мястэчка, а ў 1953 годзе — гораду. З росквітам, павязаным з вырошчваньнем кавы, места пачало квітнець, то бок у ім будаваліся новыя дарогі і зьявілася брукаванка, але колькасьць насельніцтва расла павольна. На прыканцы XIX стагодзьдзя ў мястэчку пачалі адкрывацца прамысловыя прадпрыемствы, як то фабрыка па вырабу шкарпэтак і фабрыка печыва.