Жаэль Матып

Жаэль Жоб Матып (па-нямецку: Joël Job Matip; нар. 8 жніўня 1991 году, Бохум, Нямеччына) — колішні камэрунскі футбаліст нямецкага паходжаньня, паўабаронца. Гулец нацыянальнай зборнай Камэруну.

Жаэль Матып
Пэрсанальная інфармацыя
Нарадзіўся	8 жніўня 1991(1991-08-08)[1][2] (34 гады) Бохум, Арнсбэрг[d], Паўночны Райн — Вэстфалія, Нямеччына
Рост	195 см
Вага	90 кг
Пазыцыя	задні абаронца, цэнтральны абаронца
Клюбы
Гады	Клюб	Гульні (галы)¹
2009—2016	Шальке-04	194 (17)
2016—2024	Лівэрпул	150 (9)
Зборныя
2010—2015	Камэрун	27 (1)

Кар’ера

Клюбная

Матып пачаў сваю кар’еру ў 1994 годзе ў юнацкай камандзе клюбу «Вайтмар 45», у якой гуляў да 1997 году да пераходу ў «Бохум». У 2000 годзе трапіў у моладзевую каманду «Шальке-04».

У сэзоне 2009—2010 гадоў новы галоўны трэнэр «Шальке-04» Фэлікс Магат прыцягнуў Матыпа ў галоўную каманду, і 7 лістапада 2009 году ён дэбютаваў у асноўным складзе ў матчы супраць «Баварыі» ў Мюнхэне. Дэбют атрымаўся запамінальным — Матып забіў адзіны гол «Шальке», які прынёс камандзе нічыю, і быў названы найлепшым гульцом матчу^[3]. У першым матчы 1/4 фіналу Лігі чэмпіёнаў 2010—2011 гадоў Матып на 17-й хвіліне забіў першы гол «Шальке» ў браму мілянскага «Інтэрнацыянале», тым самым зраўняўшы лік. У выніку італьянскі клюб атрымаў паразу зь лікам 2:5.

Міжнародная

23 сьнежня 2009 году быў выкліканы ў зборную Камэруну для ўдзелу ў Кубку афрыканскіх нацыяў 2010 году, але пазьней адмовіўся ад удзелу ў турніры, спадзяючыся што будзе прыцягвацца да матчаў зборнай Нямеччыны. Аднак пазьней усё ж прыняў запрашэньне ў склад афрыканскай зборнай.

Асабістае жыцьцё

Матып быў народжаны ў сям’і немкі^[4] й камэрунца^[5]. Ягоны брат Марвін таксама зьяўляецца футбалістам.

Дасягненьні

«Шальке-04»:

• Уладальнік Кубка Нямеччыны: 2011
• Уладальнік Супэркубка Нямеччыны: 2011

«Лівэрпул»:

• Чэмпіён Ангельшчыны: 2020
• Уладальнік Кубка Ангельшчыны: 2022
• Уладальнік Кубка футбольнай лігі: 2022
• Уладальнік Супэркубка Ангельшчыны: 2022
• Пераможца Лігі чэмпіёнаў: 2019
• Уладальнік Супэркубка УЭФА: 2019