Жылінскі край

Жылінскі край (па-славацку: Žilinský kraj) — адзін з васьмі краёў Славаччыны з адміністрацыйным цэнтрам у горадзе Жыліна. Плошча края складае 6753 км², насельніцтва 697 502 (2009). Разьмешчаны на паўночным захадзе Славаччыны і складаецца з 11 раёнаў:

Жылінскі край
Zilinsky kraj
Герб	Сьцяг
Агульныя зьвесткі
Краіна	Славаччына
Статус	Край
Уваходзіць у	Central Slovakia[d]
Адміністрацыйны цэнтар	Жыліна
Улучае	11 раёнаў
Дата ўтварэньня	24 ліпеня 1996
Кіраўнік	Juraj Blanár[d]
Насельніцтва (2009)	697 502
Шчыльнасьць	102 чал./км²
Плошча	6 808,4 км²
Жылінскі край на мапе Славаччыны
Мэдыя-зьвесткі
Код ISO 3166-2	SK-ZI
Афіцыйны сайт
Дадатковыя мультымэдыйныя матэрыялы

Геаграфія

Жылінскі край па ўсёй тэрыторыі пакрыты гарамі, што адносяцца да Заходніх Карпатаў: Яварнікі, Малая й Вялікая Фатра на захадзе, Ораўска Магура, Нізкія й Заходнія Татры на ўсходзе рэгіёну. Увесь край знаходзіцца на тэрыторыі басэйну ракі Ваг зь яе прытокамі: левыя — Тур’ец і Райчанка; правыя — Бэла, Орава й Кісуца. На тэрыторыі краю разьмясьціліся нацыянальныя паркі «Малая Фатра», «Вялікая Фатра», «Нізкія Татры», а таксама запаведнікі «Стражаўскэ врхі», «Кісуцэ» й «Горна Орава».

Жылінскі край мяжуе на ўсходзе з Прэшаўскім, на поўдні з Банскабыстрыцкім, на паўднёвым захадзе з Трэнчынскім краямі, на поўначы з Польшчай і Чэхіяй.

Сьпіс раёнаў

• Раён Бітча
• Раён Чадца
• Раён Долны Кубін
• Раён Кісуцкэ Новэ Места
• Раён Ліптаўскі Мікулаш
• Раён Марцін
• Раён Наместава
• Раён Ружамбэрак
• Раён Турч'янскэ Цепліцэ
• Раён Твэрдошын
• Раён Жыліна

Вонкавыя спасылкі

• Žilinský samosprávny kraj (славацк.)