Забалоцьце (гміна Нурэц-Станцыя)

Забало́цьце (па-польску: Zabłocie, па-падляску: Zábołotie^[1]) — вёска ў Сямяціцкім павеце Падляскага ваяводзтва Польшчы. Знаходзіцца ў гміне Нурэц-Станцыя.

Забалоцьце
польск. Zabłocie
Першыя згадкі:	першая палова 17 ст.
Былая назва:	Паканева-Забалоцьце
Мясцовая назва:	Zabołotie
Краіна:	Польшча
Ваяводзтва:	Падляскае
Павет:	Сямяціцкі
Гміна:	Нурэц-Станцыя
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-330
Нумарны знак:	BSI
Геаграфічныя каардынаты:	52°32′0″ пн. ш. 23°1′0″ у. д.
Забалоцьце на мапе Польшчы Забалоцьце

Насельніцтва

Жыхары вёскі этнічныя каталікі і палякі(парафія Сьв. Біскупа і Мучаніка Станіслава ў Мілейчыцах^[2]) ды беларусы, якія карыстаюцца падляскім дыялектам, праваслаўныя (прыход сьв. Барбары ў Мілейчыцах).

Гісторыя

Першы фальварак быў заснаваны тут у першай палове 17 ст. у мяжах паканеўскай каралеўскай уласнасьці. Толькі пасьля 1792 г. маёнтак апынуўся ў прыватных руках - сьпярша пражывала тут Фэліцыянна Кужэнецкая (яна заснавала сядзібу з паркам), пасьля Вільчэўскія (уладальнікі невяліага маёнтку Максімоўшчына)^[3]. У міжваенны пэрыяд Забалоцьце прыналежала да гміны Мілейчыцы Бельскага павету Беластоцкага ваяводзтва. Паводле польскага перапісу насельніцтва 1921 г. пражывала тут 112 чалавек у фальварку (93 каталікоў, 8 праваслаўных і 1 габрэй; палякамі было запісаных 103 жыхароў, 7 беларусамі, 1 жыдом і 1 расейцам) ды 155 чалавек у вёсцы (134 праваслаўных, 12 каталікоў і 9 габрэяў; палякамі было запісаныя 91, беларусамі 64)^[4]. Да 1939 г. маёнткам уладалі Віслоцкія^[3].