Замак Радзівілаў. Нясьвіж (манэта)

Памятная манэта «Замак Радзівілаў. Нясьвіж» — беларускія юбілейныя манэты Нацыянальнага банку Беларусі ўведзеныя ў абарачэньне 16 лістапада 2004 году. Манэты выбіта са срэбра — наміналам 20 рублёў і медна-нікелевая — 1 рубель.

Гэта артыкул пра памятную манэту. Калі вам патрэбны артыкул пра Замак Радзівілаў у Нясьвіжы, глядзіце артыкул Палацава-замкавы комплекс у Нясьвіжы.

Манэта «Замак Радзівілаў. Нясьвіж», 20 рублёў, рэвэрс

Манэта «Замак Радзівілаў. Нясьвіж», 20 рублёў, авэрс

Манэта ўваходзіць у сэрыю Помнікі архітэктуры Беларусі. У гэтай самай сэрыі выбіта яшчэ адна манэта прысьвечаная Нясьвіжу — Фарны касьцёл.

Наміналы

Срэбраная

• проба срэбра: 925
• намінал: 20 рублёў
• вага манэты: 33.63 г
• вага чыстага срэбра: 31.1 г
• дыямэтар: 38.61 мм
• якасьць: «пруф»
• наклад: 2000 асобнікаў
• кошт продажу ў НББ — 61 400 руб. бяз футляру

Медна-нікелевая

• намінал: 1 рубель
• вага манэты: 13.16 г
• дыямэтар: 32 мм
• якасьць: «пруф-лайк»
• наклад: 2000 асобнікаў
• кошт продажу ў НББ — 6 510 руб. бяз футляру

Апісаньне

Манэта мае выгляд круга, рант манэты мае рыфленьне.

• Авэрс: у коле, з геамэтрычным арнамэнтам, — выява дзяржаўнага гербу Беларусі, долу зьмешчаны год біцьця, для срэбра — чыстая вага каштоўнага мэталю і проба; па колу — надпісы: з гары — «РЭСПУБЛІКА БЕЛАРУСЬ», долу — «ДВАЦЦАЦЬ РУБЛЁЎ» на срэбранай і «АД3ІН РУБЕЛЬ» — на медна-нікелевай.
• Рэвэрс: па цэнтру — выява Замку Радзівілаў; з гары — надпіс у тры радкі: «ПОМНІКІ АРХІТЭКТУРЫ БЕЛАРУСІ» і ў выглядзе старажытнай пячаткі зьмешчана дата: ХVI–XVII; долу надпісы: «НЯСВІЖ», «ЗАМАК РАДЗІВІЛАЎ».

Дызайн

• Сьвятлана Заскевіч

Мынца

• АТ «Мынца Польская» (Варшава).

Крыніцы

• Нацыянальны банк Рэспублікі Беларусі