Дзьмітры Калдун

Дзьмітры Аляксандравіч Калдун (нарадзіўся 11 чэрвеня 1985, Менск, БССР) — беларускі сьпявак, пераможца праекту Першага каналу «Фабрыка Зорак-6»^[1]. Прадстаўляў Беларусь на конкурсе Эўрабачаньне 2007 зь песьняй Work your magic, за ўсю гісторыю ўдзелу Беларусі ў гэтым конкурсе ўпершыню вывеў сваю краіну ў фінал і заняў 6 месца, атрымаўшы максымальныя 12 балаў ад Ізраілю, Украіны і Расеі. Скончыў хімфак БДУ.

Дзьмітры Калдун
Дзьмітры Аляксандравіч Калдун
Дата нараджэньня	11 чэрвеня 1985 (40 гадоў)
Месца нараджэньня	Менск, БССР
Грамадзянства	Беларусь,  Расея
Месца вучобы	хімічны факультэт БДУ[d]
Прафэсія	сьпявак
Жанры	поп, поп-рок і сынці-поп
Вакал	тэнар[d]
Інструмэнты	гітара, фартэпіяна і голас[d]
Псэўданімы	Калдун, Дзіма Калдун
Супрацоўніцтва	Віктар Дробыш Філіп Кіркораў Яна Рудкоўская
Узнагароды
Сайт	www.koldun.name
Дзьмітры Калдун у Вікісховішчы

Біяграфія

«Народны артыст» і «Фабрыка зорак»

У 2004 годзе Дзьмітры стаў фіналістам праекту Народны артыст-2 на тэлеканале РТР, але перамогу не атрымаў, хоць і запомніўся гледачам.

У 2004 і 2005 гадах Дзьмітры працаваў у Дзяржаўным канцэртным аркестры Рэспублікі Беларусь. Прымаў удзел у фэстах: Маладэчна-2005 і Славянскі кірмаш у Віцебску.

У 2006 годзе прымаў удзел у нацыянальным адборы Беларускага Эўрабачаньня (Эўрафэст) зь песьняй «May be».

У гэтым жа годзе Калдун становіцца пераможцам праекту Першага Канала «Фабрыка Зорак-6». Пасьля сумеснага выкананьня з групай Scorpions песьні Still loving you, атрымлівае запрашэньне ад саліста Кляўса Майнэ выканаць гэтую песьню ў рамках сумеснага туру. Пасьля перамогі на «Фабрыцы 6» Калдун складае дамову з Нацыянальнай музычнай карпарацыяй, і становіцца салістам абноўленага складу гурта К. Г. Б., аднак хутка пакідае гурт.

Эўрабачаньне-2007

У 2007 годзе Дзьмітры выйграе беларускі адбор на Эўрабачаньне-2007 «Эўрафэст» зь песьняй Філіпа Кіркорава «Work your magic» на словы Карэна Кавалерана. Па выніках паўфіналу Эўрабачаньня 10 траўня 2007 Калдун мінуў у фінал конкурсу, дзе заняў шостае месца.

З 2007

• 4 лістапада 2007 году Дзьмітры Калдун выступіў на Манежным пляцы ў цэнтры Масквы на мітынгу-канцэрце, арганізаваным пракрамлёўскім рухам «Маладая Гвардыя», прасьпяваўшы тамака пра «Яростный стройотряд» (па-беларуску: «Люты будатрад»).
• Зь сьнежня 2007 году па сакавік 2008 Дзьмітры прымае ўдзел у праекце Першага канала «Дзьве зоркі», у пары з Натальляй Рудовай.
• 1 лютага 2008 мінула цырымонія ўручэньня прэмій «Гукавая дарожка» Калдун перамог у намінацыі «sexy М» і прадставіў на суд гледачоў сваю новую песьню «Царевна» (па-беларуску: «Царэўна»).
• Разам з новым прадусарам Аляксандрам Луневым (аўтар гітоў Never let you go і Lady Flame) запісвае новыя песьні: «Любить до слез» (па-беларуску: «Кахаць да сьлёзаў»), «Мелодия любви» (па-беларуску: «Мэлёдыя каханьня»).
• Выхад дэбютнага альбома Дзьмітрыя Калдуна з назвай «КОЛДУН» плянаваўся ўвосень 2008 году, але прэзэнтацыя адбылася 26 верасьня 2009 году ў клюбе «Рэактар».

Папярэднік Паліна Смолава

Беларусь на конкурсе песьні Эўрабачаньне 2007

Наступнік Руслан Аляхно