Зігібат

Зі́гібат (лац. Sigebotus^[1], ням. Sigibot; † па 1078) — граф Тубінгену і сузаснавальнікам кляштару Блаўбойрэн.

Біяграфія

Быў братам графа Ансэльма фон Нагольд і графа Гуга фон Тубінген. Жыў у замку Рук і адыграў важную ролю ў заснаваньні кляштару Блаўбойрэн. Дазволіў перанесьці кляштар з Эгельзэе ў Блаўбойрэн, ахвяраваўшы ня толькі патрэбную ад пачатку зямлю, але і ваколіцы разам з касьцёлам.

Ажаніўся з Адэльгейдай, якая паходзіла з эльзаскага графскага роду, відаць, з Эгісгайму. У шлюбе нарадзіліся дзеці Зігфрыд, Вэрнэр і Вальтэр.

Па яго сьмерці жонка перадала кляштару млын і фэрму ў Зюсэне, яшчэ адну каля Кёльблінгзбуха і найбліжэйшы лес^[2].

Глядзіце таксама

• Зігібут