Зімовыя Алімпійскія гульні 2026 году

Зімо́выя Алімпі́йскія гу́льні 2026 го́ду (афіцыйна — Гульні XXV Алімпія́ды) — чарговыя Алімпійскія гульні, спаборніцтва, якое лічыцца найбуйнейшай спартовай падзеяй на плянэце. Будуць ладзіцца з 6 па 22 лютага 2022 году ў Міляне і Картыне-д’Ампэцца ў Італіі. Заяўкі ад гарадоў абраны 24 чэрвеня 2019 году на 131-й сэсіі МАК у Лязаны (Швайцарыя). Гэта будуць першыя Алімпійскія гульні, якія афіцыйна будуць ладзіцца сумесна некалькімі гарадамі, прычым галоўным спаборніцтвы па лёдзе будуць праводзіцца ў Міляне, а астатнія старты адбудуцца на спартовых аб’ектах ля Картыны-д’Ампэцца і далінаў Вальтэліна і Ф’емэ. Гэта будуць трэція зімовыя Алімпійскія гульні і чацьвертыя агулам, якія арганізуе ў сябе Італія. Раней Картына-д’Ампэцца ўжо ладзіла зімовыя Алімпійскія гульні 1956 году.

XXV зімовыя Алімпійскія гульні
Горад-арганізатар	Мілян і Картына-д’Ампэцца, Італія
Узнагароды	116 у 8 відах спорту
Цырымонія адкрыцьця	6 лютага
Цырымонія закрыцьця	22 лютага
Афіцыйна адкрыў	Сэрджа Матарэльля
Стадыён	Сан-Сыра, Вэрона-Арэна
Афіцыйны сайт	milanocortina2026

Выбар месца правядзеньня

Чатыры гарады, як то Калгары, Сапара, Сіён і Стакгольм, далучыліся да этапу дыялёгу аб арганізацыі турніру з моманту ад 29 верасьня 2017 году і ўзялі ўдзел у Праграме назіраньня за Пхёнчханам у 2018 годзе^[1]. Астатнія гарады, як то сумесная заяўка Міляну і Картыны-д’Ампэцца, а таксама Эрзурума і Грацу, далучыліся своечасова да тэрміну 31 сакавіка 2018 году, каб разглядацца у якасьці кандыдатаў.

Тры з чатырох гарадоў, якія ўсё яшчэ заставаліся ў стадыі дыялёгу на кастрычнік 2018 году, атрымалі запрашэньне ад МАК далучыцца да этапу падачы заявак. Сярод гэтых гаралоў былі Калгары, Стакгольм і сумесная заяўка Міляну і Картыны-д’Ампэцца. Эрзурум быў адзіным горадам, які заставаўся ў стадыі дыялёгу, але ягоныя прадстаўнікі былі запрошаныя да далейшага ўдзелу^[2]. Калгары адклікаў сваю заяўку 19 лістапада 2018 году, а Стакгольм падаў сумесную новую заяўку з Орэ 11 студзеня 2019 году.

Мілян і Картына-д’Ампэцца былі афіцыйна абраныя гарадамі-гаспадарамі 24 чэрвеня 2019 году на 134-й сэсіі МАК у швайцарскай Лязане. Тры італьянскія сябры МАК, як то Франка Карара, Іва Фэрыяні і Джаваньні Маляго, і два швэдзкія сябры арганізацыі, як Гуніла Ліндбэрг і Стэфан Гольм, ня мелі права голасу, як гэта прадугледжана Алімпійскай хартыяй^[3][4][5].

Вынікі галасаваньня
Кандыдаты	Краіна	1-ы раўнд
Мілян—Картына-д’Ампэцца	Італія	47
Стакгольм—Орэ	Швэцыя	34

Віды спорту

На зімовых Алімпійскіх гульнях 2026 году заплянавана 116 мэдальных спаборніцтваў у 16 дысцыплінах, што на сем відаў спорту больш, чым у было ў Пэкіне на папярэдніх зімовых Алімпійскіх гульняў 2022 году. Новыя мэдальныя спаборніцтвы ўлучаць мужчынскі і жаночы падвойны могул у фрыстайле, мужчынскія і жаночыя двойкі у санным спорце, мужчынскую і жаночую камандную камбінацыю ў гарналыжным спорце, жаночы індывідуальны скок на вялікім трампліне ў скачках з трампліну і зьмяшаную эстафэту ў скелетоне. Гульні будуць мець найвялікшы адсотак удзелу жанчынаў у гісторыі зімовых Алімпійскіх гульняў, як то 47%^[6][7].

Паралельныя спаборніцтвы па гарналыжным спорце ў зьмяшаных камандах былі адмененыя. Гарналыжнае камбінаванае спаборніцтва пяройдзе з індывідуальнага фармату на каманды з двух чалавек, бо ўдзел у гэтым спаборніцтве зьмяншаўся празь зьмены тэхнічных і трэнавальных патрабаваньняў, і было выключанае з Кубка сьвету па гарналыжным спорце ў 2020 годзе^[8][9][10]. Камандныя скачкі з трампліну і лыжныя падвойныя спаборніцтвы таксама пяройдуць на каманды з двух чалавек^[7]. Упершыню на Алімпійскіх гульнях жанчыны будуць мець у лыжных гонках тыя ж самыя дыстанцыі, што і мужчыны^[7].

На 138-й сэсіі МАК 20 ліпеня 2021 году была ўхваленая прапанова арганізацыйнай рады дадаць скі-альпінізм у якасьці дэбютнага дадатковага віду спорту. Ён будзе складацца з трох мэдальных дысцыпліняў, як то мужчынскага і жаночага спрынту, а таксама зьмяшанай эстафэты^[11]. У лютым 2024 году Міжнародная фэдэрацыя хакею на лёдзе абвесьціла аб пагадненьні з Нацыянальнай хакейнай лігай, якое дазволіць ейным гульцам узяць удзел у мужчынскім хакейным турніры Алімпійскіх гульняў упершыню з 2014 году^[12].

Каляндар

ЦА

Цырымонія адкрыцьця

●

Спаборніцтвы

1

Фіналы спаборніцтваў

ЦЗ

Цырымонія закрыцьця

Люты	4 Сер	5 Чац	6 Пят	7 Суб	8 Няд	9 Пан	10 Аўт	11 Сер	12 Чац	13 Пят	14 Суб	15 Няд	16 Пан	17 Аўт	18 Сер	19 Чац	20 Пят	21 Суб	22 Няд	Узнагароды
Цырымоніі			ЦА																ЦЗ
Біятлён					1		1	1		1	1	2		1	1		1	1		11
Бобслэй												●	1	1			●	1	1	4
Горныя лыжы				1	1	1	1	1	1		1	1	1		1					10
Канькабежны спорт				1	1	1		1	1	1	1	1		2		1	1	2		14
Кэрлінг	●	●	●	●	●	●	1	●	●	●	●	●	●	●	●	●	●	1	1	3
Лыжнае дваяборства								1						1		1				3
Лыжныя гонкі				1	1		2		1	1	1	1			2			1	1	12
Санны спорт				●	1	●	1	2	1											5
Скачкі на лыжах з трампліну				1		1	1				1	1	1							6
Скелетон									●	1	1	1								3
Скі-альпінізм																2		1		3
Сноўбордынг		●		1	2	1		●	2	2		1	●	1	1					11
Фігурнае катаньне			●	●	1	●	●	1		1		●	1	●		1				5
Фрыстайл				●		1	1	1	1		1	1	1	1	1	1	2	3		15
Хакей з шайбай		●	●	●	●	●	●	●	●	●	●	●	●	●	●	1	●	●	1	2
Шорт-трэк							1		2		1		1		2		2			9
Узнагароды				5	8	5	9	8	9	7	8	9	6	7	8	7	6	10	4	116
Люты	4 Сер	5 Чац	6 Пят	7 Суб	8 Няд	9 Пан	10 Аўт	11 Сер	12 Чац	13 Пят	14 Суб	15 Няд	16 Пан	17 Аўт	18 Сер	19 Чац	20 Пят	21 Суб	22 Няд	Узнагароды