Казані
From Wikipedia, the free encyclopedia
Remove ads
Каза́ні (па-грэцку: Κοζάνη) — горад на поўначы Грэцыі, ў Македоніі. Горад знаходзіцца на вышыні 710 мэтраў над узроўнем мора, на ўскрайку ўрадлівай раўніны ў катлавіне паміж гарамі Вэрміён і Вурынос, што адкрываецца да даліны ракі Альякмон, у 25 кілямэтрах на поўдзень ад Пталемаісу, у 105 кілямэтрах на паўднёвы-захад ад Салёнікаў і ў 307 кілямэтрах на паўночны захад ад Атэнаў. Адміністрацыйны цэнтар аднайменнай абшчыны, аднайменнай пэрыфэрыйнай адзінкі і пэрыфэрыі Заходняя Македонія. Насельніцтва гораду складае 41066 чалавек, згодна перапісу 2011 году.
Remove ads
Гісторыя
Горад заснаваны ў XV стагодзьдзі ў пэрыяд асманскага валадарства. Быў цэнтрам грэцкай культуры. У 1746-1750 гг. у горадзе выкладаў Яўген Вулгарыс[1]. У горадзе была створана бібліятэка, якая захавалася да цяперашняга часу і якая зьяўляецца другой па велічыні ў краіне пасьля Нацыянальнай бібліятэкі.
Падчас Першай балканскай вайны 11 кастрычніка 1912 году горад захапілі грэцкія войскі.
У ходзе нямецкага ўварваньня ў Грэцыю 13 красавіка 1941 году ў раёне гораду адбылося адзінае за ўсю кампанію танкавая бітва, у якім нямецкія танкі 33-га танкавага палка 9-й танкавай дывізіі вэрмахта ўступілі ў бой з бронетэхнікай ангельскага экспэдыцыйнага корпусу. У гэтым баі былі зьнішчаны два брытанскіх самаходкі і 4 нямецкія танкі (два PzKpfw IV, адзін PzKpfw II і PzKpfw I), пасьля чаго ангельскія войскі адступілі. 14 красавіка 1941 году нямецкія часткі занялі Казані[2].
У Казані знаходзяцца ўнівэрсытэты ΤΕΙ Заходняй Македоніі і Унівэрсытэт Заходняй Македоніі, у якіх навучаецца каля 15000 студэнтаў з усёй Грэцыі і зь іншых краінаў.
Remove ads
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads