Тэсалёнікі

Тэсалёнікі ці Салунь (па-грэцку: Θεσσαλονίκη) — горад на поўначы Грэцыі, адміністрацыйны цэнтар правінцыі Цэнтральная Македонія і гістарычны цэнтар грэцкай Македоніі. Салунь зьяўляецца буйным эканамічным, прамысловым, камэрцыйным і палітычным цэнтрам Грэцыі і буйным транспартным вузлом для астатняй частцы паўднёва-ўсходняй Эўропы^[1]. Горад славіцца сваімі фэстывалямі, падзеямі і яскравым культурным жыцьцём у цэлым, і лічыцца культурнай сталіцай Грэцыі^[2].

Тэсалёнікі/Салунь
грэц. Θεσσαλονίκη
Сьцяг Тэсалёнікоў/Салуні
Дата заснаваньня:	315 да н. е.
Краіна:	Грэцыя
Пэрыфэрыя:	Цэнтральная Македонія
Ном:	Тэсалёнікі/Салунь
Кіраўнік:	Stelios Aggeloudis[d]
Плошча:	17,832 км²
Вышыня:	0−20 м н. у. м.
Насельніцтва (2011)
колькасьць:	315 196 чал.
шчыльнасьць:	17 675,86 чал./км²
Часавы пас:	UTC+2
Тэлефонны код:	+30231x
Паштовы індэкс:	53x xx, 54x xx, 55x xx, 56x xx
Нумарны знак:	MM, NA, NB, NE, NH, NI, NK, NM, NN, NO, NP, NT, NY, NX, NZ
Геаграфічныя каардынаты:	40°38′25″ пн. ш. 22°56′8″ у. д.
Тэсалёнікі/Салунь на мапе Грэцыі Тэсалёнікі/Салунь
Галерэя здымкаў у Вікісховішчы
http://www.thessalonikicity.gr/

Эканоміка

Салунь зьяўляецца другім паводле колькасьці і эканамічным значэньні горадам Грэцыі, гэта буйны прамысловы і гандлёвы цэнтар. На тэрыторыі Вялікіх Тэсалёнікаў сканцэнтраваныя прадпрыемствы нафтахіміі, мэталюргіі, мэталаапрацоўкі і машынабудаваньня, у тым ліку электратэхнічная, суднабудаўнічая і суднарамонтная прамысловасьць. Горад ёсьць галоўным цэнтрам тэкстыльнай прамысловасьці краіны, таксама тут працуюць шматлікія прадпрыемствы фармацэўтычнай, тытунёвай і харчовай прамысловасьці.