Кальварыйскі сквэр

Кальварыйскі сквэр — сквэр у Фрунзэнскім раёне Менску. Тэрыторыя сквэру абмежаваная вул. Кальварыйскай, праездам Кальварыйскім і Кальварыйскімі могілкамі^[1].

Сквэр
Кальварыйскі сквэр
Сквэр каля ўваходу на Кальварыйскія могілкі
Краіна	Беларусь
Горад	Менск
Каардынаты	53°54′32.45″ пн. ш. 27°30′28.77″ у. д.
Дата заснаваньня	17 ліпеня 2009
Кальварыйскі сквэр на мапе Беларусі Кальварыйскі сквэр
Кальварыйскі сквэр на Вікісховішчы

Гісторыя

У XVIII ст. на ўзгорку, што разьмяшчаўся на Ракаўскім гасьцінцы (раён цяперашняй вуліцы Кальварыйскай), адкрыліся каталіцкія могілкі. Назва могілак паходзіць з лацінскай мовы й перакладаецца, як чэрап, лысая гара, што для хрысьціян разумеецца як Галгофа.^[2].

Паводле сьведчаньняў беларускага падарожніка Паўла Шпілеўскага яшчэ ў сярэдзіне XIX ст. могілкі атачаў «арэхавы лес, багаты на грыбы і ягады».^[3] У «Сьпісе домаўладальнікаў… г. Менску», які датычыцца 1866—1867 рокаў, згадваецца «Кальварыя (урочышча) — 6 дамоў»^[4].

У сувязі з ростам места ў пачатку XX ст. Кальварыя ўвайшла ў склад Менску, у пятую паліцэйскую частку. Гэтую ж назву атрымала навакольнае прадмесьце, праз якое праходзіла Кальварыйская вуліца.^[5]

17 ліпеня 2009 року Менскім гарадзкім Саветам дэпутатаў сквэру была афіцыйна нададзена назва «сквэр Кальварыйскі»^[1].