Каліёпа

Каліёпа (па-старажытнагрэцку: Καλλιόπη - Красамоўная), у старажытнагрэцкай міталёгіі — муза эпічнай паэзыі^[2], навукі й філязофіі. Дачка Зэўса й Мнэмазыны, народжана ў Піерыі^[3]. Па этымалёгіі Дыядора, атрымала імя ад выгуку цудоўнага слова (καλή і εὐέπεια)^[4].

Каліёпа
Каліёпа
муза паэзіі
Месцазнаходжаньне	Парнас
Бацька	Зэўс
Маці	Мнэмазына
Браты і сёстры	Кліё Мэльпамэна Палігімнія Талія Тэрпсыхора Уранія Эрата Эўтэрпа
Дзеці	Арфэй[1]

Міты

Старэйшая дачка Зэўса й Мнэмазыны. Маці Арфея й Ліна ад Апалёна (ці ад Эагра^[5]). Па адной з вэрсый, маці Рэса^[6]. Па вэрсыі, нарадзіла ад Апалёна Гамэра^[7]. Часам згадваецца як маці карыбантаў.

Па Гесіёду, вылучаецца зь ліку муз, ідзе за царамі^[8]. Яе згадваюць Алкман^[9], Стэсіхор^[10]. Да яе зьвяртаецца Вергілій^[11]. Дзіянісій Медны ў элегіях зваў паэзыю «крыкам Каліёпы»^[12].

Малявалася з васковымі таблічкамі й стыласам (палачкай для пісьма). Шанавалася ў Локрах эпізефірскіх^[13].

Даніна павагі

Імем Каліёпы названы астэроід (22) Каліёпа, адкрыты ў 1852 годзе. Імем музы таксама названы музычны інструмэнт каліёпа.