Уранія

Ура́нія (па-старажытнагрэцку: Οὐρανία, па-лацінску: Ūrania, Ūraniē), Нябесная — муза астраноміі. Атрыбуты — зорная мапа, нябесны глёбус і цыркуль. Пэрсанаж старажытнагрэцкіх мітаў^[1], папулярны вобраз і сымбаль у мастацтве. Паводле Дыядора, атрымала імя ад накіраванасьці да неба («уранас») тых, хто спасьцігнуў яе мастацтва^[2].

Уранія
Уранія зь нябесным глёбусам й цыркулем
муза астраноміі
Месцазнаходжаньне	Парнас
Сымбалі	зорная мапа, глёбус й цыркуль
Бацька	Зэўс
Маці	Мнэмазына
Браты і сёстры	Каліёпа, Кліё, Мэльпамэна, Палігімнія, Талія, Тэрпсыхора, Эрата, Эўтэрпа

Дачка Зэўса і Мнэмазыны^[3], народжаная ў Піерыі. Ад Апалёна нарадзіла Гімэнэя^[4].

У больш позьніх выявах:

• часам выяўляецца ў блакітным адзеньні, у зорнай кароне.
• часам у якасьці атрыбутаў — глядзельная трубка і ліст зь нябеснымі знакамі.

Дадатковыя зьвесткі

• дацкі астраном Тыха Брагэ назваў у гонар Ураніі свой замак-абсэрваторыю Ураніборг