Канюхоўскі сельсавет
адміністрацыйна-тэрытарыяльная адзінка ў Бераставіцкім раёне Гарадзенскай вобласьці Беларусі From Wikipedia, the free encyclopedia
Remove ads
Канюхо́ўскі сельсавет — адміністрацыйна-тэрытарыяльная адзінка ў складзе Бераставіцкага раёну Гарадзенскай вобласьці. Адміністрацыйны цэнтар — вёска Канюхі.
Remove ads
Гісторыя
12 кастрычніка 1940 году створаны Глебавіцкі сельсавет у складзе Крынкаўскага раёну Беластоцкай вобласьці БССР з цэнтрам у вёсцы Глебавічах. З 20 верасьня 1944 году ў Бераставіцкім раёне Гарадзенскай вобласьці. З 25 сьнежня 1962 году да 30 ліпеня 1966 году ў Сьвіслацкім раёне[1]. 12 лістапада 1973 году сельсавет перайменаваны ў Канюхоўскі, цэнтар перанесены ў вёску Канюхі.
18 кастрычніка 2013 году ў склад сельсавету перададзеныя ўсе населеныя пункты — вёскі Астапкаўшчына, Белакозы, Вішнеўка, Генюшы, Ігнатавічы, Кудрычы, Курчоўцы, Лапенеўцы, Лішкі, Макараўцы, Парэчча, Пачобуты, Пяцельчыцы, Русакі, Рэпавічы, Сямёнаўка, Трахімы, хутары Дольны Уснар, Служкі — ліквідаванага Макараўскага сельсавету[2].
Remove ads
Характарыстыка
Плошча зямель складае 11673,3 га (2019)[3].
У 675 прыватных гаспадарках грамадзянаў пражывае 1600 чалавек (2019), зь іх: дзеці да 15 гадоў — 253 чал., працаздольнага насельніцтва — 827 чал., старэй працаздольнага ўзросту — 520 чал., інвалідаў 1 і 2 групы, якія карыстаюцца ільготамі — 110 чал., адзінокіх састарэлых — 33 чал., шматдзетных сем’яў — 31. Па веравызнаньні — праваслаўныя і каталікі.
З 1259 дамоў, якія знаходзяцца на тэрыторыі сельсавету 655 жылых і 604 незаселеных. На тэрыторыі сельсавету разьмешчаная адна гаспадарка КСУП «Макараўцы», у якой працуе асноўная частка жыхароў сельсавету. Ёсьць пяць фэрмэрскіх гаспадарак. Агульная зямельная плошча складае 10057 га, у тым ліку сельгасугодзьдзяў — 8029 га, ральлі — 5131 га, сенажацяў і пашы — 2898 га. Гаспадарка спэцыялізуецца на мяса-малочнай жывёлагадоўлі, вытворчасьці збожжавых, цукровых буракоў.
Насельніцтва сельсавету паводле перапісу 2009 году (10 населеных пунктаў) — 724 чалавекі[4], зь іх 72,7 % — беларусы, 19,1 % — палякі, 5,9 % — расейцы[5].
Remove ads
Населеныя пункты
- 1 студзеня 1986 году — 10[6]
Помнікі
- помнік землякам у цэнтры вёскі Конюхі, пастаўлены ў 1968 годзе;
- помнік загінуўшым воінам у в. Макараўцы,
- помнік загінуўшым землякам у в. Лішкі,
- помнік Вользе Соламавай, у цэнтры в. Канюхі, каля школы, скульптурны бюст сакратара Гарадзенскага падпольнага гаркама камсамолу, пастаўлены ў 1981 годзе;
- абэліск на месцы гібелі Вольгі Соламавай у в. Жорнаўка;
- магіла падпольшчыкаў у 0,5 км ад в. Магіляны, у лесе. У 1956 годзе на магіле пастаўлены помнік — гранітны крыж з імёнамі загінуўшых.
Remove ads
Рэлігійныя збудаваньні
- касьцёл Узвышэньня Сьвятога Крыжа (1795) у в. Макараўцы
- капліца Сьвятой Ганны Рымска-каталіцкай рэлігійнай абшчыны ў в. Глебавічы.
Крыніцы
Літаратура
Вонкавыя спасылкі
Wikiwand - on
Seamless Wikipedia browsing. On steroids.
Remove ads