Макараўскі сельсавет (Бераставіцкі раён)

Мака́раўскі сельсавет^[1] (афіцыйная назва — Мака́равецкі сельсавет) — былая адміністрацыйна-тэрытарыяльная адзінка ў складзе Бераставіцкага раёну Гарадзенскай вобласьці. Адміністрацыйны цэнтар — вёска Макараўцы.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Макараўскі сельсавет.

Гісторыя

12 кастрычніка 1940 году створаны ў складзе Крынкаўскага раёну Беластоцкай вобласьці БССР^[2]. З 20 верасьня 1944 году ў Бераставіцкім раёне Гарадзенскай вобласьці. З 25 сьнежня 1962 году ў Сьвіслацкім раёне^[3]. 16 ліпеня 1954 году да сельсавету далучаная тэрыторыя скасаванага Сямёнаўскага сельсавету^[4]. З 30 ліпеня 1966 году ў адноўленым Бераставіцкім раёне.

18 кастрычніка 2013 году сельсавет ліквідаваны, усе населеныя пункты — вёскі Астапкаўшчына, Белакозы, Вішнеўка, Генюшы, Ігнатавічы, Кудрычы, Курчоўцы, Лапенеўцы, Лішкі, Макараўцы, Парэчча, Пачобуты, Пяцельчыцы, Русакі, Рэпавічы, Сямёнаўка, Трахімы, хутары Дольны Уснар, Служкі — перададзеныя ў склад Канюхоўскага сельсавету^[5].

Насельніцтва

Насельніцтва сельсавету паводле перапісу 2009 году — 1167 чалавек^[6], зь іх 64,5 % — палякі, 30,4 % — беларусы, 4,1 % — расейцы^[7].

Населеныя пункты

• 1 студзеня 1947 году — 13^[8]
• 1 чэрвеня 1955 году — 21^[9]
• 1 студзеня 1964 году — 21^[10]
• 1 студзеня 1968 году — 21^[11]
• 1 студзеня 1974 году — 19^[12]
• 1 студзеня 1981 году — 19^[13]
• 1 студзеня 1986 году — 19^[14]