Капитал

«Капитал» (па-беларуску: Капітал) — альбом беларускага гурта «Ляпіс Трубяцкі», запісаны ў 2007 годзе.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Капітал (неадназначнасьць).

Капитал
Альбом «Ляпіса Трубяцкога»
Выдадзены	красавік 2007
Жанр	ска-панк
Працягласьць	34:56
Выдавец	«Никитин»
Прадусар	Віталь Цялезін
Храналёгія «Ляпіса Трубяцкога»
Мужчины не плачут (2006)	Капитал (2007)	Manifest (2008)

Гісторыя

Праца над альбомам пачалася ўлетку 2005 году. Ужо да сьнежня 2005 году былі гатовыя песьні «Андрюша», «Харе», «Товарищ». Тады ж гурт пачаў запіс інструмэнтальных партыяў новых кампазыцыяў. У лютым 2006 году групу пакінуў бас-гітарыст Уладзімер Ёлкін, яму на зьмену прыйшоў Зьміцер Сьвірыдовіч. У сьнежні 2006 году, калі былі гатовыя амаль усе кампазыцыі новага альбома, месца Сьвірыдовіча заняў Дзяніс Стурчанка, экс-басіст гурта beZ bileta.

Для альбома была перапісаная зноўку кампазыцыя «Евпатория». Справа ў тым, што некалькі гадоў запар «Ляпісы» выконвалі гэтую песню ў ска-вэрсіі, што моцна цешыла прыхільнікаў групы. Таму, было прынята рашэньне запісаць ска-вэрсію «Евпатории» ў студыі. Песьня «Рамонкі» была запісаная зноўку, таму што першапачатковы яе варыянт (з альбома «Золотые Яйцы») не задавальняў Сяргея Міхалка.

Існуе дзьве вэрсіі альбома: звыклая і «падарункавая». Да «падарункавага» варыянту прыкладаецца супэрвокладка і буклет з эпізодамі з кліпа «Капитал». Першапачатковы назоў альбома — «Жир и золотое сало».

Музыкальныя крытыкі амаль адзінагалосна назвалі «Капитал» «лепшай працай гурта».

Зьмест

1. «Золотая антилопа»
2. «Капитал»
3. «Гойко Митич»
4. «Керчь-2»
5. «Котик»
6. «Андрюша»
7. «Рамонкі»
8. «Собаки»
9. «Огоньки»
10. «Товарищ»
11. «Харэ»
12. «Евпатория» (бонус, падарункавае выданьне)

Відэа

На падарункавым выданьні дыску зьмешчаныя два відэа на песьні «Капитал» і «Харэ».

Запіс

Музыкі

• Сяргей Міхалок — вакал, аўтар музыкі і лірыкі
• Павал Булатнікаў — вакал
• Аляксандар Старажук — барабаны, пэркусія
• Руслан Владыка — гітара
• Дзяніс Стурчанка — бас-гітара
• Павал Кузюковіч — труба
• Іван Галушка — трамбон

Іншыя ўдзельнікі

• В. Шчэрыца — дадатковая труба (8, 10, 11)
• Д. Сьвірыдовіч — дадатковая бас-гітара (4, 5, 6, 8, 10, 11)
• Ігар Прыгароўскі — запіс
• Улад Ярун — запіс, зьвядзеньне (1, 3, 7, 8)
• Віталь Цялезін — прадусаваньне, мастэрынг, зьвядзеньне (2, 4, 5, 6, 9, 10, 11)
• М. Віхля — афармленьне
• А. Цярэхаў — выява, рэжысэр кліпа «Капитал»
• У. Япіфанцаў — рэжысэр кліпа «Харэ»

Вонкавыя спасылкі

• Старонка на афіцыйным сайце гурта (рас.)
• Капитал на YouTube
• Харэ на YouTube