Капліца-пахавальня Тышкевічаў (Сьвіслач)

Капліца-пахавальня Тышкевічаў — помнік архітэктуры XVIII стагодзьдзя ў Сьвіслачы. Знаходзіцца пасярод могілак на гістарычнай Гарадзенскай вуліцы^[a]. Твор традыцыйнай беларускай драўлянай архітэктуры, мастацкае аблічча якога пацярпела ў выніку перабудовы з насаджэньнем купалоў-цыбулінаў.

Помнік сакральнай архітэктуры
Капліца-пахавальня Тышкевічаў
Краіна	Беларусь
Места	Сьвіслач
Каардынаты	53°02′23.50″ пн. ш. 24°05′31.70″ у. д.
Канфэсія	Беларуская праваслаўная царква
Эпархія	Гарадзенская і Ваўкавыская япархія[d]
Дата заснаваньня	1850
Капліца-пахавальня Тышкевічаў на мапе Беларусі Капліца-пахавальня Тышкевічаў

У наш час у будынку капліцы дзее царква Ўзьвіжаньня Сьвятога Крыжа Беларускага экзархату Маскоўскага патрыярхату.

Гісторыя

Вялікае Княства Літоўскае

Драўляную могілкавую капліцу-пахавальню Юзэфы Тышкевіч у Сьвіслачы збудавалі ў 1782 годзе. Пры рэканструкцыі мястэчка Вінцэнтам Тышкевічам у 1788 годзе капліцу перанесьлі на іншае месца.

Пад уладай Расейскай імпэрыі

Па трэцім падзеле Рэчы Паспалітай (1795 год), калі Сьвіслач апынулася ў складзе Расейскай імпэрыі, капліца працягвала дзеяць.

Найноўшы час

За часамі Другой сусьветнай вайны ў чэрвені 1941 годзе будынак згарэў разам з архівам. Неўзабаве капліцу перабудавалі пад царкву, да яе дабудавалі сярэднюю частку. У 1980-я гады — бабінец з званіцай, рызьніцу і панамарку з бакавым выхадам, а ўвесь будынак абклалі цэглай^[1].

Заўвагі

1. Цяперашні афіцыйны адрас — вуліца Камсамольская