Капліца-пахавальня Юзэфа Гурскага

Капліца-пахавальня Юзэфа Гурскага — помнік архітэктуры канца XIX стагодзьдзя ў Сапоцкіне. Знаходзіцца на заходняй ускраіне мястэчка, на могілках, побач з капліцай-пахавальняй Юліі Дзяконскай. Твор архітэктуры нэаготыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Помнік сакральнай архітэктуры
Капліца-пахавальня Юзэфа Гурскага
Капліца-пахавальня Юзэфа Гурскага
Краіна	Беларусь
Мястэчка	Сапоцкін
Каардынаты	53°49′39.30″ пн. ш. 23°38′20.72″ у. д.
Архітэктурны стыль	нэаготыка
Дата заснаваньня	1893
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Капліца-пахавальня Юзэфа Гурскага на мапе Беларусі Капліца-пахавальня Юзэфа Гурскага
Капліца-пахавальня Юзэфа Гурскага на Вікісховішчы

Гісторыя

Мураваную могілкавую капліцу-пахавальню ва ўшанаваньне Юзэфа Гурскага збудавалі ў Сапоцкіне ў 1893 годзе.

Архітэктура

Помнік архітэктуры нэаготыкі. Гэта прастакутны ў пляне кампактавы аб’ём пад 2-схільным дахам. Галоўны фасад завяршаецца трапэцападобным шчытом з 3 кутнімі 8-граннымі шатровымі вежамі-фіяламі, апрацоўваецца слаістымі аркавымі нішамі. З бакоў і ў завяршэньні стральчатага праёму галоўнага ўвахода — эдыкулы, у верхняй зь якіх разьмяшчаецца скульптура «Укрыжаваньне». Бакавыя фасады падзяляюцца чатырма стральчатымі аконнымі праёмамі.

Унутраная прастора перакрываецца роўнай драўлянай стольлю на падугах. Алтарная сьцяна ў інтэр’еры дэкаруецца роўным 4-пілястравым портыкам з трыкутным франтонам^[1].