Капліца ў імя Макарыя Кіеўскага (Скрыгалаў)

Капліца ў імя Макарыя Кіеўскага — помнік гісторыі пачатку XX стагодзьдзя (мураўёўка) у Скрыгалаве. Знаходзіцца ў цэнтры колішняга мястэчка. Дзее. Твор архітэктуры расейскай эклектыкі.

Помнік гісторыі
Капліца ў імя Макарыя Кіеўскага
Капліца ў імя Макарыя Кіеўскага
Краіна	Беларусь
Вёска	Скрыгалаў
Канфэсія	Беларуская праваслаўная царква
Эпархія	Тураўская япархія
Архітэктурны стыль	расейска-бізантыйскі стыль[d]
Заснавальнік	Іаан (Пашын)[d]

Гісторыя

Мураваную капліцу Ўрадавага сыноду Расейскай імпэрыі (Маскоўскай царквы) у Скрыгалаве збудавалі ў 1906 годзе.

Архітэктура

Прыклад эклектычнай царкоўнай архітэктуры Расейскай імпэрыі. Выкананая ў формах маскоўскай царкоўнай архітэктуры XVІІ ст., паводле кампазыцыі і выгляду нагадвае Гомельскую капліцу-пахальню Паскевічаў. Гэта камэрная цэнтральная крыжовая ў пляне пабудова, завершаная гранёным шатром з купалам-цыбулінай. У аснове архітэктурнага вобраза — форма кілепадобнай аркі і какошніка, якія ўжываюцца ў аркавым уваходным партале і франтонах васьмерыка ў аснаваньні шатра. Архітэктурная плястыка дасягаецца высакаякаснай мастацкай цагляной муроўкай^[1].