Кастусь Каліноўскі (опэра)

«Касту́сь Каліно́ўскі» — беларуская опэра героіка-рамантычнай тэматыкі ў 4-х дзеях, 7 карцінах. Кампазытар — Дзьмітры Лукас, лібрэта — Міхась Клімковіч.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Кастусь Каліноўскі (неадназначнасьць).

Кастусь Каліноўскі
Жанр	опэра
Аўтар	Міхась Клімковіч
Рэжысэр	Барыс Мардвінаў(ru), Уладзімер Шахрай(ru)
Кампазытар	Дзьмітры Лукас
Краіна	БССР
Год прэм’еры	1947
Пастаноўкі	1947, 1949, 1950

Мінуўшчына

Упершыню пастаўленая 7 лістапада 1947 году на сцэне Дзяржаўнага тэатру опэры і балету БССР^[1]. Рэжысэры Барыс Мардвінаў і Ўладзімер Шахрай, дырыгент Анісім Брон, мастак Сяргей Нікалаеў, хормайстар Георгі Пятроў, балетмайстар Канстанцін Мулер.

18 лютага 1949 року пабачыла сьвет новая рэдакцыя пад кіраўніцтвам дырыгента Ільлі Гітгарца. Рэжысэр, мастак і балетмайстар тыя самыя, хормайстры Язэп Абраміс і Т. Арлова.

У апошняй аркестровай рэдакцыі пастаноўка выйшла ў 1950^[2].

У 1967 Менская народная опэрная студыя Палацу культуры Белсаўпрофу паказала опэру ў філіі МХАТу ў Маскве.

Акторы

• Кастусь Каліноўскі — Мікалай Сярдобаў^[1][3]
• Марыя Грагатовіч — Ларыса Александроўская
• Вольга — Вера Малькова
• Мечыслаў — В. Лапін
• Мураўёў — А. Бялоў
• Лосеў — В. Мегарскі
• Афіцэр — Я. Шаціхін
• Вярыга — В. Шкляр
• Пан — К. Пуроўскі