Касьцёл Найсьвяцейшай Тройцы (Чачэрск)

Касьцёл Найсьвяцейшай Тройцы — помнік архітэктуры канца XVIII стагодзьдзя ў Чачэрску. Знаходзіўся ў цэнтры места, на Замкавай вуліцы. Твор архітэктуры клясыцызму. У 1950-я гады савецкія ўлады зьнішчылі касьцёл^[1].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Касьцёл Найсьвяцейшай Тройцы.

Помнік сакральнай архітэктуры
Касьцёл Найсьвяцейшай Тройцы
Траецкі касьцёл
Краіна	Беларусь
Места	Чачэрск
Каардынаты	52°55′18.70″ пн. ш. 30°54′51.90″ у. д.
Заснавальнік	Захар Рыгоравіч Чарнышоў[d]
Касьцёл Найсьвяцейшай Тройцы на мапе Беларусі Касьцёл Найсьвяцейшай Тройцы
Касьцёл Найсьвяцейшай Тройцы на Вікісховішчы

Гісторыя

Касьцёл у час зьнішчэньня

Вялікае Княства Літоўскае

Езуіцкія місія ў Чачэрску існавала з 1754 году, калі тут збудавалі капліцу, а пазьней драўляны касьцёл.

Пад уладай Расейскай імпэрыі

Па першым падзеле Рэчы Паспалітай, калі Чачэрск апынуўся ў складзе Расейскай імпэрыі, у 1784 годзе граф Захар Чарнышоў збудаваў мураваны касьцёл у ансамблі з трыма цэрквамі, зь якіх захавалася толькі Спаская царква.

У пачатку XX ст. парафія налічвала больш за 2 тысячы чалавек.

Найноўшы час

У 1930-я гады савецкія ўлады зачынілі касьцёл. Будынак не пацярпеў у Другую сусьветную вайну, аднак у 1950-я гады савецкія ўлады зьнішчылі помнік^[1].

Архітэктура

Помнік архітэктуры клясыцызму. 2-вежавы галоўны фасад вылучаўся 4-калённым портыкам-лёджыяй з трыкутным франтонам пад інтэнсіўна прафіляваным карнізам. 3-ярусныя 4-гранныя вежы завяршаліся сфэрычнымі купаламі, верхнія ярусы мелі аркавыя прасьветы. Магутны сфэрычны зь ліхтаром купал на нізкім цыліндрычным барабане ўзвышаўся ў цэнтры даху. Бакавыя фасады падзяляліся аркавымі нішамі^[2].