Касьцёл Унебаўзяцьця Найсьвяцейшай Панны Марыі (Кобрынь)

Касьцёл Унебаўзяцьця Найсьвяцейшай Панны Марыі — помнік архітэктуры XIX стагодзьдзя ў Кобрыні. Знаходзіцца ва ўсходняй частцы места, на гістарычнай Пінскай вуліцы^[a]. Дзее. Твор архітэктуры клясыцызму.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Касьцёл Унебаўзяцьця Найсьвяцейшай Панны Марыі (неадназначнасьць).

Помнік сакральнай архітэктуры
Касьцёл Унебаўзяцьця Найсьвяцейшай Панны Марыі
Касьцёл Унебаўзяцьця Найсьвяцейшай Панны Марыі
Краіна	Беларусь
Места	Кобрынь
Каардынаты	52°12′44.90″ пн. ш. 24°22′10.10″ у. д.
Канфэсія	каталіцтва
Эпархія	Пінская дыяцэзія
Архітэктурны стыль	клясыцызм
Першае згадваньне	1840
Дата скасаваньня	1962
Касьцёл Унебаўзяцьця Найсьвяцейшай Панны Марыі на мапе Беларусі Касьцёл Унебаўзяцьця Найсьвяцейшай Панны Марыі
Касьцёл Унебаўзяцьця Найсьвяцейшай Панны Марыі на Вікісховішчы

Гісторыя

Касьцёл. Н. Орда, 7 красавіка 1864 г.

Мураваны касьцёл у Кобрыні збудавалі ў 1841—1845 гадох на сродкі парафіянаў.

У 1962 годзе савецкія ўлады зачынілі касьцёл. У 1989 годзе будынак касьцёла вярнулі каталікам, якія яго адрэстаўравалі.

Архітэктура

Помнік архітэктуры клясыцызму. Гэта 3-нэфавая 2-вежавая базыліка. Прастакутны ў пляне аб’ём накрываецца 2-схільным дахам. З бакоў галоўнага фасаду ўзвышаюцца дзьве 1-ярусныя чацьверыковыя шатровыя вежы. Уваход вылучаецца вялікім аркавым парталам, які з бакоў дэкаруецца лучковымі эксэдрамі з скульптурамі сьвятых. Бакавыя фасады рытмічна падзяляюцца аркавымі аконнымі праёмамі і пілястрамі ў прасьценках, аб’яднаных аркатурай.

Унутраная прастора разьмяжоўваецца на нэфы высокімі аркадамі на 4-гранных пілёнах, перакрываецца роўным пляфонам. Алтар мае выгляд 4-пілястравага портыка з паўкруглым франтонам зь вітражнай люкарнай у цэнтры^[1].

Галерэя

• Гістарычныя здымкі
• 
  1913 г.
• 
  1915—1918 гг.
• 
  1916 г.
• 
  1916 г.

• 
  1929 г.
• 
  да 1939 г.
• 
  да 1939 г.
• 
  да 1939 г.

Заўвагі

1. Цяперашні афіцыйны адрас — вуліца Першамайская, 80.