Касьцёл Сьвятой Ганны (Варонча)

Касьцёл Сьвятой Ганны — помнік архітэктуры XVIII ст. у Варончы. Знаходзіцца на паўднёва-заходняй ускраіне вёскі. Твор архітэктуры барокавага клясыцызму.

Помнік сакральнай архітэктуры
Касьцёл Сьвятой Ганны
Касьцёл Сьвятой Ганны
Краіна	Беларусь
Вёска	Варонча
Каардынаты	53°24′47.24″ пн. ш. 26°3′36.06″ у. д.
Канфэсія	Каталіцкая царква і каталіцтва
Эпархія	Гарадзенская дыяцэзія
Архітэктурны стыль	барока і клясыцызм
Дата заснаваньня	1808
Статус	Ахоўная зона
Касьцёл Сьвятой Ганны на мапе Беларусі Касьцёл Сьвятой Ганны
Касьцёл Сьвятой Ганны на Вікісховішчы

Гісторыя

Вялікае Княства Літоўскае

Касьцёл збудавалі ў 1773 годзе (паводле іншых зьвестак, у 1781 або 1809 годзе) з фундацыі ваяводы наваградзкага Юзэфа Несялоўскага, асьвячоны віленскім біскупам Ігнаціем Масальскім.

Пад уладай Расейскай імпэрыі

Па другім падзеле Рэчы Паспалітай (1793 год) касьцёл працягваў дзейнічаць. У 1816 годзе фундатар спачыў ў крыпце касьцёла.

У касьцёлы былі хрышчоныя Ян Чачот і Марыля Верашчака — каханая Адама Міцкевіча. Марыля тутака ж узяла шлюб з графам Ваўжынцам Путкамерам. Каля касьцёла знаходзяцца 4 магілы Булгакаў.

Найшоўшы час

За часамі Другой сусьветнай вайны ў 1943 годзе касьцёл спалілі савецкія партызаны. У 1950-я гады помнік часткова ўзарвалі.

У 1995 годзе сьвятыню вярнулі каталікам, аднавіліся набажэнствы.

Архітэктура

Помнік архітэктуры сымбіёзнага барокава-клясыцыстычнага стылю (або клясыцызму^[1]). Гэта 3-нэфавая 2-вежавая базыліка. Галоўны фасад з 6-калённым портыкам завяршаецца антаблемэнтам. З бакоў узвышаюцца дзьве 3-ярусныя купальныя вежы з трыкутным франтонам паміж імі.

У інтэр'еры часткова зьберагліся цыліндрычныя скляпеньні з распалубкамі, якія перакрываюць 3 нэфы. Алтарная частка аздабляецца росьпісамі на архітэктурныя матывы.

З тылу касьцёла ўмураваная фундацыйная табліца з гербам Юзафа Несялоўскага і яго жонкі з роду Масальскіх.

Пробашчы

• а. Януш Вітоўскі

Галерэя

Гістарычныя здымкі і графіка

• Старыя здымкі і графіка
• 
  1878 г.
• 
  Т. Барэці, каля 1900 г.
• 
  Я. Булгак, 1911 г.
• 
  1914 г.

Сучасныя здымкі

• Сучасны стан
• 
  Галоўны фасад
• 
  Бакавы фасад
• 
  Надмагільная пліта кашталяна Несялоўскага на мурах касьцёлу
• 
  Магілы Булгакаў