Катастрофа Су-25 пад Наваградкам

Катастрофа Су-25 пад Наваградкам — авіякатастрофа, якая адбылася 12 чэрвеня 2012 году за 2 км ад вёскі Навіны Пятрэвіцкага сельсавету Наваградзкага раёну^[1].

Катастрофа Су-25 пад Наваградкам
Зьвесткі пра катастрофу
Дата	13 чэрвеня 2012 г.
Характар	падзеньне на зямлю
Месца катастрофы	бліз вёскі Навіны Наваградзкага раёну
Пункт вылету	116-я штурмавая авіябаза (Ліда)
Паветранае судна
Назва самалёта	Су-25
Бартавы нумар	42
Пасажыры	0
Экіпаж	1
Загінулі	1
Выжылі	0

Абставіны

12 чэрвеня 2012 год увайсковы лётчык першай клясы падпалкоўнік Мікалай Грыднеў 116-й штурмавой авіябазы (Ліда) на авіяпалігоне паблізу мястэчка Бярозаўка Лідзкага раёну выконваў на Су-25 манэўры на гранічна малой вышыні. Пасьля выкананьня заданьня ў 15:35 на вышыні 200 мэтраў самалёт пачаў губляць кіраваньне. Кіраўніком палёту была дадзеная каманда лётчыку на катапультаваньне^[2].

Але пілёт загінуў, адводзячы самалёт ад вёскі Навіны Наваградзкага раёну^[3].

Як сьцьвярджаюць відавочцы «Ён ляцеў вельмі нізка. Над самай зямлёй, а потым зьнік. І тады моцна грымнула. Гук быў моцны, хоць да месца падзеньня ад дарогі было даволі далёка»^[1].

Да заканчэньня работы камісіі, якая займаецца расьсьледаваньнем прычын катастрофы, загадам міністра абароны Беларусі Юрыя Жадобіна ўведзена забарона на палёты ўсёй авіяцыі Ўзброеных сіл^[4].

Самалёт

Зьнішчальнік Су-25 бартавы нумар 42^[5] быў на ўзбраеньні 116-й штурмавой авіябазы ў Лідзе.

Ахвяры

Загінуў лётчык 1-й клясы падпалкоўнік Мікалай Грыднеў.