Катастрофа Як-130 у Баранавічах

Катастрофа Як-130 у Баранавічах — авіякатастрофа, якая адбылася 19 траўня 2021 году на ўскрайку Баранавіч.

Катастрофа Як-130 у Баранавічах
Зьвесткі пра катастрофу
Дата	19 траўня 2021 г.
Характар	падзеньне на зямлю
Месца катастрофы	Баранавічы, Берасьцейская вобласьць
Пункт вылету	116-я штурмавая авіябаза (Ліда)
Паветранае судна
Назва самалёта	Як-130
Пасажыры	0
Экіпаж	2
Загінулі	2
Выжылі	0

Абставіны

Чатыры самалёты Як-130 выконвалі 19 траўня трэніровачныя палёты напярэдадні авіяшоў да 150-годзьдзя гораду Баранавічы прызначанага на 21 траўня. Падчас палёту экіпаж аднаго з самалётаў выявіў тэхнічную няспраўнасьць. Пілёты паспрабавалі адвесьці самалёт ад вёскі. Пераканаўшыся, што траекторыя падзеньня самалёта знаходзіцца па-за жылымі дамамі, пілёты катапультаваліся, але абодва загінулі^[1].

Самалёт ўпаў ў жылым сэктары мікрараёну Ўсходні на невялікі пустыр паміж дамоў.

Самалёт

Як-130 116-я штурмавой авіябазы, якая дыслякуецца на аэрадроме (Лідзе).

Ахвяры

Удава Мікіты Куканенкі пра подзьвіг лётчыкаў

Сын Андрэя Нічыпорчыка марыць стаць лётчыкам, як бацька

Загінулі ўсе сябры экіпажу:

• лётчык, камандзір зьвяна вучэбна-баявой эскадрыльлі 116-й шаб маёр Андрэй Нічыпорчык
• лётчык зьвяна вучэбна-баявой эскадрыльлі 116-й шаб лейтэнант Мікіта Куканенка.

Быў паранены жыхар аднаго з дамоў, у яго быў расьсечаны шклом твар і зламаная рука^[2].

У суседніх дамах былі выбіта шкло, пасечаны асколкамі сьцены^[3].

Наступствы

У сувязі з катастрофай у Баранавічах, пастановай гарадзкіх уладаў, былі адмененыя ўсе сьвяточныя мерапрыемствы прысьвечаныя да 150-годзьдзя гораду, заплянаваныя на 21-22 траўня, у тым ліку і авіяшоў^[4].