Мікіта Куканенка

Мікі́та Бары́савіч Кукане́нка (18 верасьня 1998, Полацак - 19 траўня 2021, Баранавічы) — беларускі вайсковы лётчык, загінуў у авіякатастрофе. Герой Беларусі з 24 лістапада 2021 году.

Мікіта Куканенка
18 верасьня 1998(1998-09-18) — 19 траўня 2021(2021-05-19) (22 гады)
Месца нараджэньня	Полацак, Віцебская вобласьць, Беларусь
Месца сьмерці	Баранавічы, Берасьцейская вобласьць, Беларусь
Род войскаў	Вайскова-паветраныя сілы і войскі супрацьпаветранай абароны Беларусі
Званьне	лейтэнант
Узнагароды

Жыцьцяпіс

Скончыў Полацкую кадэцкую вучэльню. Хацеў быць лётчыкам зь дзяцінства. У 2020 годзе ў званьні лейтэнант пасьпяхова скончыў Вайсковую акадэмію. Лідзкая штурмавая авіябаза стала для яго першым месцам службы. За год лётаў на самалётах Л-39 і Як-130. Апошні свой палёт ажыцьцяўляў разам са сваім інструктарам Андрэям Нічыпорчыкам.

Сьмерць

Удава Мікіты Куканенкі пра подзьвіг лётчыкаў

Загінуў 19 траўня 2021 году ў Баранавічах падчас трэніровачнага палёту Як-130 разам з маёрам Андрэям Нічыпорчыкам. Іх самалёт разьбіўся каля жылых дамоў на вуліцы Розы Люксэмбург. Пазьней камісія па расьсьледаваньню катастрофы заявіла, што лётчыкі да апошняга спрабавалі адвесьці самалёт ад дамоў і таму запозна катапультаваліся^[1][2].

Ушанаваньне

23 лістапада 2021 году на паседжаньні баранавіцкага гарвыканкаму было прынятая пастанова аб наданьні вуліц у новым мікрараёне Паўночны-2 імёнаў загінулых лётчыкаў^[3].

24 лістапада 2021 году Нічыпорчыку і Куканенка былі прысвоены званьне Героя Беларусі^[4][5]